चितवन, असार ८
देशकै ठुलो विद्यार्थी संगठन एमाले निकट अनेरास्ववियुले माडी क्याम्पसमा अध्ययनरत विद्यार्थीहरूलाई सदस्यता वितरण गरेको छ ।
संगठनको केन्द्रीय सर्कुलर र जिल्ला कमिटीको अभियान अन्तर्गत क्याम्पस कमिटीद्वारा आयोजित कार्यक्रममा अनेरास्ववियु जिल्ला सहसचिव प्रदिप पराजुलीसहितको टिम पुगेर सदस्यता वितरण गरेको हो ।
कार्यक्रमलाई सम्बोधन पराजुलीले अनेरास्ववियुको भर्खरै सम्पन्न २८ औं जिल्ला महाधिवेशनले चितवनमा कुनै पनि बाहानामा शैक्षिक संस्थामा तालाबन्दी नगर्ने र विद्यार्थीका हकअधिकार रक्षार्थ तालाबन्दीको विकल्पको रूपमा रचनात्मक कार्यक्रम गर्ने निर्णय गरेको बताए ।
क्याम्पस कमिटी अध्यक्ष एवम् जिल्ला कमिटी सदस्य सुर्य भण्डारीको अध्यक्षतामा सम्पन्न कार्यक्रममा अतिथिहरू जिल्ला कमिटी सदस्य गोकुल पाण्डे, जिल्ला कमिटी सदस्य कमला सुवेदी, वीरेन्द्र क्याम्पस कमिटी उपाध्यक्ष सन्दिप अधिकारी लगायत विद्यार्थीहरूको उल्लेखनीय सहभागीता रहेको थियो ।
चितवनमा स्ववियु निर्वाचन सम्पन्न भएका तीन वटा क्याम्पस मध्येको माडी क्याम्पसमा अनेरास्ववियुका नेता राकेश चौधरीले बहुमत सदस्यसहित स्ववियु अध्यक्ष जितेका थिए ।
अनेरास्ववियुले देशभरि एकैसाथ विद्यार्थीहरूको माझमा सदस्यता वितरण तथा नविकरण कार्यक्रम संचालन गरेको छ ।