चितवन, साउन २ –
विगत २० वर्षदेखि प्राविधिक विषयहरुका विभिन्न कार्यक्रमहरु संचालन गर्दै आएको नेपाल पोलिटेक्निक इन्स्च्यिुट (एनपिआई) मा डिप्लोमा तथा प्रि डिप्लोमा तहको भर्नाको लागि प्रवेश परीक्षाको आवेदन खुलेको छ ।
प्राविधि शिक्षा तथा व्यावसायिक तालिम परिषद् (सिटिईभिटी) द्वारा संवन्धन प्राप्त यस एनपिआई कलेज निजी क्षेत्रको ठूलो कलेजका रुपमा परिचित छ । डिप्लोमा तहमा इन्जिनियरिङ्ग, कृषि र स्वास्थ्य संकायका ८ तथा प्रि डिप्लोमा तहमा कृषि र इन्जिनियरिङ्ग गरी दुई वटा कार्यक्रमहरुमा आवेदन फारम खुलाइएको हो ।
सिटिईभिटीद्वारा प्रकाशित सूचना अनुसार यही साउन १२ गतेसम्म एसईई पास गरेका विद्यार्थीहरुले प्रवेश परीक्षाको लागि आवेदन फारम कलेजमा नै भौतिक उपस्थितिमा भर्न सक्नेछन् । प्रवेश परीक्षा सञ्चालन साउन २४ गते हुने कलेजका सहायक प्राचार्य दिपक ढकालले जानकारी दिए ।
शैक्षिक क्षेत्रको अग्रणी संस्था भएको यस एनपिआई कलेजबाट वर्षेनी विभिन्न बोर्ड प्रथम, द्धित्तिय र उच्चतम अंक ग्रेड ल्याएर सफलता हाँसिल गर्दै आएका छन् । प्राविधिक विषय अध्यापन गराउन दक्ष शिक्षक, प्राध्यापक, प्रयोगात्मक अभ्यासको लागि यथेष्ठ ल्याब, खोज अनुसन्धानको लागि आवश्यक पुस्तक तथा ई–लाइब्रेरीको व्यवस्था रहेको यस कलेजले विद्यार्थीहरुको अन्य क्षमता विकासको लागि समयसमयमा शैक्षिक भ्रमण, रचनात्मक क्रियाकलाप, सांस्कृतिक कार्यक्रम, सामाजिक उत्तरदायित्व अन्तर्गत निशुल्क शिविरहरु सञ्चालन गर्दै आएको छ ।
यस कलेजमा कार्यरत शिक्षक÷कर्मचारी साथै सबै विद्यार्थीहरुलाई एनपिआई नारायणी सामुदायिक हस्पिटलमा २० प्रतिशत छुट सबै प्रकारका उपचारमा दिने गरिएको छ ।
कलेजेको शैक्षिक वातावरण, चुस्त प्रशासन, व्यवस्थित व्यवस्थापनले गर्दा यस कलेजबाट उत्पादित सबै विद्यार्थीहरुले आफ्नो ज्ञान र सीप अनुसारको रोजगारी प्राप्त गर्न सफल भएका छन् ।
संस्थाको विकास र विस्तारको लागि यस कलेजले हाल भरतपुर चितवनका ५ ठाउँबाट सेवा दिइरहेकोमा हालै मधेश प्रदेशको रौतहट जिल्लाको गरुडामा समेत संपर्क कार्यालय खोलेर सेवा दिइरहेको छ ।
नेपाल सरकारले तोकेको अनिवार्य १० प्रतिशत छात्रवृत्तिलाई कडाईका साथ पालन गरेको यस कलेजमा छात्रवृत्तिका अन्य धेरै व्यवस्था समेत रहेका छन् ।
हाल एनपिआईमा एसईई दिएकाहरुलाई डिप्लोमा इन सिभिल इन्जिनियरिङ्ग, डिप्लोमा इन इलेक्ट्रिकल इन्जिनियर, डिप्लोमा इन कम्प्युटर इन्जिनियरिङ्ग, डिप्लोमा इन इलेक्ट्रिक एण्ड इलोक्ट्रोनिक इन्जिनियरिङ्ग, आइएससी एजी एनिमल साइन्स, आइएससी एजी प्लान्ट साइन्स, पिसिल जेनरल मेडिशिन (एचए), पिसिल मेडिकल ल्याबरेटोरी टेक्नोलोजी (सीएमएलटी) का कक्षामा भर्ना खुलेको हो ।
