काठमाडाैं असार १७
देशका आठ जिल्लामा गए रातिदेखि निरन्तर ठूलो पानी परिरहेको छ । जल तथा मौसम विज्ञान विभाग, बाढी पूर्वानुमान महाशाखाका अनुसार नवलपरासी, रूपन्देही, कपिलबस्तु, पाल्पा, स्याङजा, तनहूँ, अर्घाखाँची र दाङमा रातिदेखि निरन्तर ठूलो पानी परिरहेको छ ।
निरन्तर ठूलो पानी परेका कारण यी जिल्ला आसपास भई बग्ने साना नदीमा आकस्मिक बाढीको जोखिम रहेको महाशाखाले जनाएको छ ।
बाढीसँगै यी आसपासका क्षेत्रका होचा स्थान डुब्न सक्ने र कमजोर भिरालो जमिनमा पहिरोको जोखिम रहेको भन्दै महाशाखाले साँझसम्मै अति उच्च सतर्कता अपनाउन आग्रह गरेको छ ।
