भरतपुर,जेठ २९
सनराइज इङ्ग्लिस स्कुल चितवनले २०७९ मा एसईई परीक्षामा सम्मिलित विद्यार्थीहरु विच जिल्ला स्तरीय फुटबल प्रतियोगिता सम्पन्न गरेको छ ।
जेठ २५ गतेबाट सुरु भएको प्रतियोगिता २९ गते फाईनल खेल सम्पन्न भएको हो ।
प्रतियोगितामा चितवन जिल्लाका विभिन्न ३० विद्यालयहरुको सहभागिता रहेको थियो । भरतपुर महानगरपालिका वडा नं. ४ का अध्यक्ष अर्पण पोखरेलको प्रमुख आतिथ्यतामा उद्घाटन भएको उक्त कार्यक्रमको सभा अध्यक्षता विद्यालय व्यवस्थापन समितिका अध्यक्ष रामजी प्रसाद अर्यालले गर्नु भएको थियो ।
फाइनल खेलमा भरतपुर स्थित नारायणी नमुना मा.वि. टाइब्रेकरमा विश्व प्रकास मा.वि.लाई पछि पार्दै विजेता हुन सफल भयो । नक आउट आधारमा खेलाईएको उक्त खेलमा विजेता टिमलाई नगद आठ हजार सहित ट्रफी, मेडल र प्रमाणपत्र सहित पुरस्कृत गरियो भने उप विजेता टिमलाई नगद चार हजार सहित ट्रफी, मेडल र प्रमाणपत्र सहित पुरस्कृत गरिएको थियो साथै दुवै टिमका खेलाडीलाई कक्षा ११ मा भर्ना हुँदा प्रति विद्यार्थी बिस हजार बराबरको छात्रवृति प्रदान गरिने कुराको घोषणा गरिएको थियो ।
उक्त खेलको समापन समारोहका प्रमुख अतिथि शिक्षक अभिभाक संघका अध्यक्ष माधव अर्यालले उक्त खेलमा टप स्कोररका रुपमा माध्यमिक विद्यालय गंगानगरका सुरज पावेले प्राप्त गर्न सफल भए ।
त्यस्तै उत्कृष्ट गोल किपरमा नारायणी नमुना माध्यमिक विद्यालयका सुजल आचार्य भए भने उत्कृष्ट खेलाडीका रुपमा सोही विद्यालयका सनिस गोदार पुरस्कृत हुन सफल भए ।
पुरस्कार वितरण समारोहका सभाअध्यक्ष विद्यालयका प्रिन्सिपल शिवकुमार बगालेले सम्पूर्ण विद्यालय तथा खेलाडीहरुलाई सहभागिताका लागि धन्यवाद ज्ञापन गर्दै समुज्वल भविष्यको कामना गर्नुभयो ।
उक्त प्रतियोगितामा यसै विद्यालयका अतिरिक्त क्रियाकलाप प्रमुख सुजन तिवारी, इन्टर्याक्ट क्लब अफ सनराइजका पदाधिकारी लगाएत सम्पूर्ण शिक्षक शिक्षिकाहरुको सहभागितामा उक्त कार्यक्रम सम्पन्न भएको थियो ।
