भरतपुर,जेठ २७-
हानामी अन्तर विद्यालय फुटबलमा ग्राण्डी स्कुल र ब्राइट स्टार इंग्लिस स्कुल विजयी भएका छन् ।
भरतपुर १० स्थित गेस्ट हाउस चौरमा आज भएको आजको पहिलो खेलमा ग्राण्डीले बालकुमारी इंग्लिस स्कुललाई ४-० ले पराजित गर्यो । ग्राण्डीको जितमा अश्विन बोगटी, निश्चल लामा, कविन गुरुङ र विश्वदीप पाखृनले एक-एक गोल गरे । ग्राण्डीका कविन म्यान अफ दि म्याच भए ।
यस्तै आजको दोस्रो खेलमा ब्राइट स्टारले नारायणी इंग्लिस पब्लिक स्कुललाई ३-० ले पाखा लगायो । ब्राइट स्टारको जितमा कप्तान मनिक आलेले दुई तथा अनुष परियारले एक गोल गरे । दुई गोल गरेका मनिक म्यान अफ दि म्याच भए ।
प्रतियोगिता अन्तर्गत आइतबार पनि दुई खेल हुनेछ । पहिलो खेलमा दिउँसो ४ बजे स्टेप बाई स्टेप र ग्रीनल्याण्ड पब्लिक स्कुल भिड्नेछन् । यस्तै दोस्रो खेलमा सृजना बोर्डिङ र कालिका स्कुल अपरान्ह ५ बजे भिड्नेछन् ।
भरतपुर फुटबल क्लब र यात्रा ग्रुपको आयोजनामा जारी प्रतियोगिता असार २ गतेसम्म सञ्चालन हुनेछ । प्रतियोगिताको विजेताले २० हजार रुपैयाँसहित ट्रफी प्राप्त गर्नेछ । यस्तै उपविजेताले दश हजार रुपैयाँ र ट्रफी प्राप्त गर्नेछन् ।
