भरतपुर,जेठ १९-
नेकपा एकीकृत समाजबादी निकट अनेरास्ववियूले स्कुल तथा कलेजलाई वैकल्पिक माध्यमबाट कक्षा संचालन गर्न अपिल गरेको छ।
शुक्रबार जिल्ला अध्यक्ष सुजन ढकालले विज्ञप्ति जारि गर्दै जिल्ला प्रशासन कार्यलय तथा स्थानीय निकायहरूलाई तत्काल समन्वय गरि निर्देशन गर्न र ब्यबहारिक, प्रबिधिमैत्री तथा सुसंस्कृत शैक्षिक वातावरण निर्माणमा सहयोग पुर्याइदिनुहुन आदरणीय अभिभावकहरुमाअनुरोध गरेका छन् ।
विज्ञप्तिमा भनिएको छ, चितवनका अधिकांश शैक्षिक संस्थाले टिनको छानामुनि पठनपाठन संचालन गर्दै आइरहेका छन् । अत्यधिक गर्मीका कारण सर्वसाधारण दैनिकि तथा शैक्षिक संस्थाको पठनपाठनमा प्रतिकुल असर परेको छ ।
कतिपय विद्यार्थीहरु बेहोस हुने, मुर्छा पर्ने, खानपिनमा समस्या भै फुडपोइजन, ज्वरो आउने, ’लु’ को समस्या समेत देखिएकोले सम्पुर्ण सरकारी, निजि तथा सामुदायिक शैक्षिक संस्थाले वैकल्पिक माध्यमबाट कक्षा संचालन गर्ने ब्यवस्था गरि भौतिक उपस्थितिको कक्षा केही समयको लागी बन्द गर्न हार्दिक आह्वान गर्दछौं ।
