चितवन, १३ जेठ-
नेपाल रेडक्रस सोसाइटी जिल्ला शाखा चितवनले चितवनमा गर्मी मौसमका कारण रक्तदान कार्यक्रमहरु कम आयोजना भएका कारण अस्पतालहरुमा रगतको अभाव भएकाले रक्तदान गरिदिन अपिल गरेको छ ।
शाखा सभापति हरिप्रसाद पौडेलले शनिबार अपिल जारी गर्दै भरतपुर अस्पताल, बिपी मेमोरियल क्यान्सर अस्पताल, कलेज अफ मेडिकल साइनसेस शिक्षण अस्पताल (पुरानो मेडिकल कलेज), चितवन मेडिकल कलेज शिक्षण अस्पताललगायत निजी तथा सामुदायिक अस्पतालमा उपचारार्थ बिरामीको संख्या बढ्दै गएकोले रगतको मागमा अत्यधिक वृद्धि भई मागअनुसार आपूर्ति गर्न कठिनाइ भएको जनाएका हुन् ।
उनले रगतको अभावमा पीडित मानवलाई जीवनदान दिन सम्पूर्ण रक्तदाता, रक्तदान गर्ने संघसंस्था एवं रेडक्रसकर्मीहरुमा रक्तदान कार्यक्रम आयोजना गरिदिन आग्रह गरेका छन् ।
साथै इच्छुक रक्तदाता एवं रेडक्रसकर्मीले नेरेसो प्रादेशिक रक्तसञ्चार केन्द्र भरतपुरलगायत मातहतका रक्तसञ्चार युनिट, क्यान्सर अस्पताल युनिट, सिएमसी युनिट, बघौडा अस्पताल आकस्मिक रक्तसञ्चार इकाइमा आइ रक्तदान गरेर सहयोग पु¥याइदिनसमेत रेडक्रस चितवन शाखाले अनुरोध गरेको छ ।
