काठमाडौं,१० जेठ-
हिँड्नुलाई उत्तम व्यायाम मानिन्छ, जसको फाइदा सबै उमेरका मानिसले लिन सक्छन् । व्यस्त जीवनशैलीका कारण धेरैलाई बिहानको पैदल यात्रा गर्न सम्भव हुँदैन । त्यस्ता व्यक्तिहरूले साँझको पैदल यात्राको मद्दतले आफूलाई फिट र स्वस्थ राख्न सक्छन् । साँझ हिँड्दा केही कुरामा ध्यान दिनुभयो भने तौल सजिलै घटाउन सकिन्छ ।
भेरीवेलहेल्थका अनुसार अपराह्नपछि व्यायाम गर्नु वा हिँड्नु मांसपेशी बनाउनका लागि उत्कृष्ट समय मानिन्छ । यो त्यो समय हो जब तपाईंले दिनको सबै महत्त्वपूर्ण काम पूरा गरिसक्नुभएको हुन्छ र तनाव रहित भएर आफ्नो इभिनिङ वाकमा रमाउन सक्नुहुन्छ । यति मात्र होइन, यदि तपाईं रातीको खाना खाएपछि हिँड्नुहुन्छ भने तपाईंलाई मज्जाले निद्रा लाग्छ र भोलिपल्ट उठ्दा तपाईंको ऊर्जाको स्तर निकै राम्रो हुन्छ । यसबाहेक तपाईंको रोग प्रतिरोधी क्षमता पनि बलियो हुन्छ जसका कारण भोक कम लाग्छ र तौल पनि कम हुन्छ ।
यदि तपाईं साँझ हिँडेर तौल घटाउन चाहनुहुन्छ भने, तपाईंले निश्चित समयको लागि हिँड्नुपर्छ । सुरुमा आधा घण्टा हिँड्नुहोस् र बिस्तारै समय सीमा बढाउनुहोस् ।
सुरुवाती केही मिनेटसम्म तपाईंको गति केही कम गर्नुहोस् र वार्मअप भएपछि आफ्नो गति बढाउनुहोस् । तेज गतिले हिँड्दा तपाईंको बोसो तीव्र गतिमा बर्न हुनेछ र तौल पनि कम हुनेछ ।
तौल कम गर्न चाहनुहुन्छ भने तपाईंले एउटा फिटनेस गोल निश्चित गर्नुहोस् । यसका लागि तपाईंले हरेक हप्ता आफ्नो तौल घटिरहेको छ छैन भनेर हेर्नुहोस् । यसरी तपाईंलाई आफ्नो तौल कम गर्न प्रेरणा पनि मिल्छ ।
यदि तपाईंलाई आफ्नो तौल कम गर्न मन लागेको छ भने बिस्तारै बिस्तारै हिँड्ने समयलाई आधाबाट बढाएर एक घण्टा बनाउनुहोस् । सुरुमै यति हिँड्न गाह्रो हुनसक्छ त्यसैले सुरुवात कमबाट गर्नुहोस् तर जब तपाईं दैनिक एक घण्टा हिँड्न थाल्नुहुन्छ तब तपाईंको तौल पनि कम हुन थाल्छ ।
हिँड्दा थकाई लाग्यो भने तुरुन्तै ब्रेक लिनुहोस् र कतै बसेर गहिरो सास फेर्नुहोस् । तपाईंले एक दुई घुट्को पानी पनि पिउन सक्नुहुन्छ । यस्तो गर्दा चोटपटकको जोखिम पनि कम हुनेछ र स्वास्थ्यलाई हानी पनि हुँदैन ।
हिँड्न थाल्नु अघि वार्मअप गर्नुहोस् । यसबाहेक सही जुत्ता लगाउनुहोस् र कपडा पनि सहज खालको हुनुपर्छ । यस्तो गर्दा तपाईं लामो समयसम्म हिँड्न सक्नुहुन्छ र आफ्नो तौल पनि सहजै घटाउन सक्नुहुन्छ
