चितवन, बैशाख ७ –
चितवन २ मा गठबन्धनले चुनावी सभा गरेको छ । चितवनको कालिका नगरपालिका पदमपुरमा सम्पन्न चुनावी सभामा प्रधानमन्त्री एवम् नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’, नेपाली काँग्रेसका सभापति शेर बहादुर देउवा, काँग्रेसका वरिष्ठ नेता नेता शेखर कोइराला, नेकपा एकिकृत समाजवादीका नेता राजेन्द्र पाण्डे, चितवन २ का उम्मेद्वार जितनारायण श्रेष्ठ लगायतले संवोधन गरे ।
चुनावी सभालाई संवोधन गर्दे प्रधानमन्त्री प्रचण्डले मंसिर ४ मा चितवन २ का जनताले गल्ति गरेको बताउँदै यसपाली त्यसलाई सच्याउनेमा आफू ढुक्क रहेको बताए । उनले मंसिर ४ रवि लामिछानेले ल्याएको मतलाई खहरे खोलाको संज्ञा दिँदै खहरे खोला कहिले काहीँ मात्र आउने भएकाले यससँग डराउनु नपर्ने बताए ।
उनले जितनारायणलाई जिताएर पठाएको अवस्थामा आफूहरुले मन्त्रि बनाइदिने बताए ।
चितवन २ मा पर्ने शक्तिखोर औद्योगिक क्षेत्र आफ्नै पालामा बनाइदिने आश्वासन दिँदै प्रचण्डले चितवन काठमाडौं दु्रत मार्गको सर्भे भइरहेको र सर्भे सकिएपछि काम सुरु गर्ने बताए ।
निकै छोटो मन्तव्य राखेका काँग्रेस सभापति देउवाले जितनारायणलाई चितवनका जनताले जिताएर पठाएपछि आफूहरुले मन्त्रि बनाउन प्रधानमन्त्री समक्ष सिफारिस गर्ने बताए । विगतमा टिकट नपाउँदा जितनारायण आफूसँग असन्तुष्ट रहेको कुरा स्मरण गराउँदै देउवाले भने, ‘अहिले टिकट दिएको छु, तपाईंलाई हार्ने छुट छैन । अहिले यत्ति भन्छु ।’
चितवन २ मा मंसिर १० गते उपनिर्वाचन हुँदैछ । उपनिर्वाचनका लागि राष्ट्रिय स्वतन्त्र पार्टीबाट रवि लामिछाने, नेकपा एमालेबाट रामप्रसाद न्यौपाने र काँग्रेसबाट जितनारायण श्रेष्ठ चुनावी मैदानमा छन् । उनीहरुसहित कुल २२ जना चुनावमा होमिँदैछन् । जसमा १० जनाले स्वतन्त्ररुपमा उम्मेद्वारी दिएका छन् ।
चुनावी सभामा नेताहरुले बोलेको कुरा सुन्न हाम्रो पेजमा जानुहोला । हामीले त्यहाँ लाइभ गरेको छौं ।
फोटो फिचर :
