चैत १८, चितवन
अपाङ्ग समाज चितवनको आयोजनामा सिलाईकटाई सम्बन्धी ३ महिने एडभान्स तालिमको उद्घाटन भएको छ । महिला बालबालिका तथा ज्येष्ठ नागरिक मन्त्रालय ९संघीय सरकारको सशर्त अनुदान०को सहयोग रहेको उक्त कार्यक्रम भरतपुर महानगरपालिकाको समन्वयमा सुरु भएको हो ।
अपाङ्गता भएका व्यक्ति र उनिहरुको परिवारको दिगो आर्थिक सशक्तिकरण गरि जीविकोपार्जनमा सहयोग पुर्याउने उद्देश्यले २० जना अपाङ्गता भएका व्यक्ति र तीनका परिवारका सदस्यको लागि तालिमको आयोजना गरिएको आयोजकले जनाएको छ ।
सहभागीहरुलाई उषा देवी श्रेष्ठ र उमेश ऐरले प्रशिक्षण दिनेछन् । उद्घाटन सत्रमा मन्तव्य राख्दै अतिथी नेपाल हेमोफेलिया सोशाइटी बागमती प्रदेशका अध्यक्ष सन्तोष वाग्लेले अपाङ्गता भएका व्यक्ति र उनीहरुको परिवारका सदस्यलाई दिन लागेको यस तालिमको सफलताको शुभकामना व्यक्त गरेका थिए ।
उनले सिलाईकटाई तालिम लिनेहरु भविष्यमा अब्बल बनी आफ्नै व्यवसाय सुरुवात गर्न सकुन भनेर कामना गरेका थिए । यस्तै उद्घाटन कार्यक्रममा बोल्दै अतिथी भरतपुर महानगरपालिकाको महिला तथा बालबालिका अधिकृत कलावती ओझाले अपाङ्गता भएका व्यक्ति तथा उनीहरुको परिवारका सदस्यहरु सहभागी रहेका यस सीप बिकास तालिम मार्फत सहभागीको आर्थिक उपार्जनमा सहयोग गर्नका लागि यो तालिम सिद्ध होस् भनि शुभकामना दिईन् ।
कार्यक्रममा मन्तव्य दिँदै बिशिष्ट अतिथी भरतपुर महानगरपालिका स्वास्थ्य तथा सामाजिक बिकास महाशाखा प्रमुख शान्ता कुमारी पौडेलले तालिममा सहभागीहरुले लगनशिल भएर सीप सिकेर आत्मनिर्भर बन्नुपर्ने बताईन् ।
उनले सहभागीहरुले व्यवसायीक बनी उनीहरुमा आश्रित अपाङ्गता भएका व्यक्तिहरुको जीवनयापनमा सहयोग गरेको हेर्न चाहेको भन्दै यो एउटा सुनौलो मौका भएको र मौका दुइपटक नआउने हुँदा प्राप्त मौका वा अवसरको उच्चतम सदुपयोग गर्न सहभागीहरुलाई आग्रह गर्दै तालिमको सफलताको शुभकामना व्यक्त गरे ।
यस्तै कार्यक्रमको प्रमुख अतिथी रहेका बागमती प्रदेश सभा सदस्य माननिय इश्वर सापकोटा ‘सुमन’ ले कार्यक्रममा मन्तव्य दिदै आफू चितवनबासी पनि भएकोले चितवन जिल्लामा अपाङ्गता भएका व्यक्तिहरुको लागि आवश्यक कार्यक्रमहरु तथा योजनाहरु तर्जुमा गरि पालिका तथा प्रदेशमा पेश गर्न आग्रह गर्नुहुँदै आफूले सक्दो सहयोग गर्ने बताए ।
अपाङ्गता भएका व्यक्तिको संस्थाले अपाङ्गता भएका व्यक्ति तथा तीनमा आश्रीत परिवारका सदस्यहरुलाई दिन लागेको यस तालिम फलिभुत होस् र परिणाम देखिने गरि यस तालिम सञ्चालन होस् भनी कार्यक्रम सफलताको शुभकामना व्यक्त गरे ।
अपाङ्ग समाज चितवनका उपाध्यक्ष सुक बहादुर गुरुङले स्वागत मन्तव्य दिएको कार्यक्रममा सचिव मन बहादुर पुनले धन्यवाद् ज्ञापन गरेका थिए । अपाङ्ग समाज चितवनका अध्यक्ष होमनाथ अधिकारीको सभाध्यक्षतामा कार्यक्रम सम्पन्न भएको थियो ।
