भरतपुर – नेकपा एमाले निकट विद्यार्थी संगठन अनेरास्ववियुले अमर जनशक्ति बहुमुखी क्याम्पस पटिहानी लाई १ बोरा प्याड उपलब्ध गराएको छ । आज एक कार्यक्रमका विच विद्यार्थी नेता प्रदिप पराजुलीले उक्त सामाग्री क्याम्पस प्रमुख राम तिवारीलाई हस्तान्तरण गरेका हुन ।
क्याम्पसमा अध्ययनरत छात्राहरुको माग र आवस्यकतालाई महशुस गर्दै अनेरास्ववियुले प्याड उपलब्ध गराएको विद्यार्थी नेता प्रदिप पराजुलीले जानकारी दिए । क्याम्पसको अवस्थालाई मध्यनजर गर्दै विद्यार्थीहरु संग अनेरास्ववियु क्याम्पस कमिटीले छलफल र सुझाब संकलन कार्यक्रम गरेको थियो । उक्त छलफल कार्यक्रममा प्याडको समेत कुरा आएपछि कमिटीले नेतृत्व सग कुरा राखिएको केहि दिनमा नै सामाग्री उपलब्ध भएको क्याम्पस कमिटी उपाध्यक्ष शिब गौतमले बताए ।
कार्यक्रममा क्याम्पस प्रमुख तिवारीले धन्यवाद व्यक्त गर्दै अनेरास्ववियुले विद्यार्थीहरु लाई सक्रिय, जागरुक र रचनात्मक हुन सिकाएकोमा खुसी व्यक्त गरे । उनले क्याम्पसको हरेक गतिविधिमा विद्यार्थीको भुमिका तथा सहभागीता महत्वपुर्ण हुने बताए ।
कार्यक्रममा अनेरास्ववियु महानगर कमिटीका नेता प्रदिप पराजुली, अमृत अधिकारी, क्याम्पस कमिटीका नेता शिब गौतम, रविन थिङ, गोपी परियार, सिमा महतो, करुणा बयलकोटी, मनोज भुजेल, हर्क भुलुन भवेश्वर सुवेदी, सुनिता वाग्ले घिमिरे लगायत शिक्षक कर्मचारी र विद्यार्थीहरुको सहभागीता रहेको थियो ।
