चितवन, वैशाख ८ –
भरतपुर महानगरपालिकामा उपमेयरका लागि नेकपा एमालेका तर्फबाट १० महिलाको नाम सिफारिस भएको छ ।
एमाले चितवनका अध्यक्ष रामप्रसाद न्यौपानेले उपमेयरमा आकांक्षी महिला नेताहरुको नाम प्रदेशमा पठाइएको बताए ।
प्रदेश कमिटीले सूची बनाई केन्द्रीय कमिटीमा पठाएपछि केन्द्रले उपमेयरको नाम छनोट गर्नेछ ।
उपमेयरमा भरतपुरका पुराना र नयाँ महिला नेतृहरुको नाम सिफारिस गरिएको छ । जसमा शारदा कुमाल, दिव्या आचार्य, गीता श्रेष्ठ, शान्ति अधिकारी, अन्जना गौतम, सुनिता अधिकारी, मुना श्रेष्ठ, सीता पुन, निशा अधिकारी र विष्णुमाया भण्डारी रहेकी छिन् ।
एमालेले उपमेयर पद राप्रपालाई दिने भन्ने कुरा चलेको भए पनि यसबारे केन्द्रले नै निर्णय गर्ने अध्यक्ष न्यौपानेले बताए ।
भरतपुरमा मेयरका लागि एमालेका तर्फबाट विजयी सुवेदी उम्मेद्वार बन्ने निश्चित भइसकेको छ ।
तपाईको प्रतिक्रिया
सम्बन्धित समाचार
