काठमाडौं । लोकतान्त्रिक समाजवादी पार्टी (लोसपा)ले पार्टी अध्यक्ष महन्थ ठाकुरलाई राष्ट्रिय सहमतिमा राष्ट्रपति बनाउन प्रधानमन्त्री पुष्पकमल दाहाल प्रचण्ड र नेकपा (एमाले) अध्यक्ष केपी शर्मा ओलीसमक्ष प्रस्ताव राखेको छ ।
अध्यक्ष ठाकुरसहित शीर्ष पाँच नेताको टोलीले प्रधानमन्त्री प्रचण्डलाई बालुवाटारमा र एमाले अध्यक्ष ओलीलाई बालकोट पुगेर भेट गरी प्रस्ताव राखेका हुन् ।
प्रधानमन्त्री प्रचण्डले यो प्रस्तावमा आफू सकरात्मक रहेको जवाफ दिएको शुक्लले बताए । ‘तपाईंहरुले नभनेको भए पनि मैले महन्थजीका बारेमा सोचेकै हो’, प्रचण्डको भनाइ उद्धृत गर्दै शुक्लले भने, ‘म सकारात्मक छु, अरु ठूलो दलसँग पनि कुरा गर्नुहोस् ।’
