चितवन – आदिवासी लिम्वु याक्थुङ समुदायको प्रतिनिधिमूलक र साझा संस्था किरात याक्थुङ चुम्लुङको २४ औं राष्ट्रिय चुम्लुङ बैठक चितवनको भरतपुरमा हुने भएको छ । यही फागुन ७ र ८ गते दुई दिनसम्म हुने कार्यक्रममा विविध विषयमा छलफल हुने आज (शुक्रबार) भरतपुरमा पत्रकार सम्मलेन गरी जानकारी दिएको हो।
७ गते हुने उद्घाटनका दिन कार्यक्रम स्थलमा भेला भई लिम्बु याक्थुङ आदिवासीहरुको साँस्कृतिक झाँकी सहित बजार परिक्रमा गरी कार्यक्रम स्थलमै उद्घाटन गर्ने कार्यक्रम रहेको किरात याक्थुङ चुम्लुङ चितवनका अध्यक्ष जनक लिम्बुले जानकारी दिए ।
उद्घाटन कार्यक्रम पश्चात बन्दसत्र हुने उनको भनाई छ । लिम्बुवानका ९ जिल्ला, उपत्यकाका ३ र चितवन जिल्ला गरी १३ जिल्लाका प्रतिनिधी राष्ट्रिय चुम्लुङ बैठकमा सहभागी रहने किरात याक्थुङ चुम्लुङका महासचिव निरन्ती तुम्बापोले जानाकारी दिईन् ।
यसैगरी प्रदेश नं. १ को लिम्बुवान प्रदेश कार्य समिति र बागमती प्रदेशको नेवा–ताम्सालिङ प्रदेश कार्य समिति, ६ वटा विषयगत संगठनका प्रतिनिधिहरु, विदेश स्थित् चुम्लुङका प्रतिनिधिहरु, सम्बन्धन प्राप्त लिम्बुजन्य तथा थरगत संस्थाका प्रतिनिधिहरु गरी २२८ जना कार्यक्रममा सहभागी हुने उनको भनाई छ ।
यसैगरी थप व्यवस्थापक जिल्ला कार्य समिति र अन्य सहभागी समेत रहने छन् । राष्ट्रिय चुम्लुङ बैठकले सांगठानिक तथा प्रगति प्रतिवेदन, आर्थिक प्रतिवेदन पारित गर्दै एक वर्षे नीति तथा कार्यक्रम तय गर्ने पत्रकार सम्मेलन मार्फत उनले जानाकारी दिईन्न् ।
यसैगरी मुकुमलुङ संरक्षण, प्रदेश न १ लाई “लिम्बुवान, किरात नामाङ्करणू, लिम्बु र याक्थुङ भाषामा शिक्षक दरबन्दी र प्रदेश नं १ मा लिम्बु भाषालाई सरकारी कामकाजी भाषाको रुपमा कार्यन्वयन, ऐतिहासिक स्थलहरुको संरक्षण, अमुर्त सांस्कृतिक सम्पदाको सूची निर्माण, समाधिस्थलहरुको संरक्षण लगायतका एजेण्डाहरुमा छलफल भई समसामयिक प्रस्ताव सहित पारित हुने जनाईको छ ।
किरात याक्थुङ चुम्लुङको स्थापना वि. स २०४६ साल भाद्र १७ गते भएको हो । यो आदिवासी लिम्वु याक्थुङ समाजको भाषिक, सामाजिक, सांस्कृतिक, शैक्षिक लगायतको क्षेत्रमा विगत लामो समयदेखि कार्यरत रहेको छ । यस संस्थाले लिम्वु र याक्थुङ आदिवासीहरु माथि भएको अन्याय एवम् सबैखालका विभेद र असमानताको अन्त्यको लागि निरन्तर संघर्ष गर्दै आइरहेको छ ।
२०७८ को जनगणना अनुसार नेपालमा ३ लाख ८६ हजार ३ सय लिम्बुहरु रहेका छन् । चितवनमा भने १ हजारको हारहारिमा लिम्बुहरु रहेको कार्यक्रममा जनाईएको थियो । त्यस्तै उक्त कार्यक्रम सबै जिल्लाका लिम्बुहरुलाई आवतजावत गर्न सहज होस् भन्ने उदेश्यले चितवनमा आयोजना गरिएकोचुम्लुङका महासचिव तुम्बापोले बताइन् ।
