चितवन, वैशाख ५ –
देवघाटमा नुहाउने क्रममा बेपत्ता भएका साकार न्यौपानेको शव गाँजीपुरमा फेला परेको छ ।
भरतपुर महानगरपालिका–२१ पार्वतीपुरका २१ वर्षीय साकार न्यौपाने नयाँ वर्षमा परिवारसहित देवघाट नुहाउन पुगेका थिए । नुहाउने क्रममा उनी बेपत्ता भएका थिए ।
बेपत्ता न्यौपानेको शव आज भरतपुरको गाँजीपुरमा भेटिएको न्यौपानेका काका सुदिप तिवारीले जानकारी दिए । शवलाई खोजी गर्ने क्रममा प्रहरी सहितको टोलीले गाँजीपुरमा फेला पारेको उनले बताए ।
