काठमाडौं, माघ २२-
राष्ट्रिय जनमोर्चाका सांसद चित्रबहादुर केसीले वर्तमान प्रधानमन्त्री पुष्पकमल दाहाल प्रचण्ड नेकपा एमालेका अध्यक्ष केपी शर्मा ओली नै भएको टिप्पणी गरेका छन् ।
प्रतिनिधि सभाको आइतवारको बैठकमा बोल्दै सांसद केसीले ओलीका सबै भनाइहरू सुन्दा आफूले उहाँ नै प्रधानमन्त्री रहेको निष्कर्ष निकालेको बताए । उनले प्रधानमन्त्री प्रचण्डलाई कांग्रेसले पुस २६ गते विश्वासको मत दिएसँगै ओली आतङ्कित भएको बताए ।
ओलीका कुराहरू गणतन्त्र र २०६२र०६३ को आन्दोलनका उपलब्धिका लागि हानिकारक रहेको सांसद केसीले जिकिर गरे ।
उनले भने, ‘मैले के निष्कर्ष निकालेको छु भने अहिलेका प्रधानमन्त्री माननीय पुष्पकमल दाहाल होइन, उहाँ ९ओली० नै हो । अहिले उनले गरेका कुरा गणतन्त्र र २०६२ र ०६३ को आन्दोलनका उपलब्धिका लागि हानिकारक छ ।’
सांसद केसीले पूर्वप्रधानमन्त्री र पूर्वसभामुखहरूलाई पनि बोल्ने समय तोक्नुपर्ने बताए ।
