काठमाडौं, पुष २७-
लुम्बिनी प्रदेशको मुख्यमन्त्रीमा नेकपा एमाले संसदीय दलका नेता लीला गिरी नियुक्त भएका छन् ।
गिरी सात वटा दल र तीन जना स्वतन्त्र गरी ५८ जना सांसदको समर्थनमा मुख्यमन्त्रीमा नियुक्त भएका हुन् । उनलाई आज बुधवार प्रदेश प्रमुख अमिक शेरचनले मुख्यमन्त्री नियुक्त भएका हुन् ।
गिरी लुम्बिनी प्रदेशको तेस्रो मुख्यमन्त्री बनेका हुन् । यसअघि नेकपा एमालेबाट लुम्बिनी प्रदेशको पहिलो मुख्यमन्त्रीको रूपमा शंकर पोखरेल र दोस्रो मुख्यमन्त्रीको रूपमा नेकपा माओवादी केन्द्रका कुलप्रसाद केसी बनेका थिए ।
गुल्मीको रुरु गाउँपालिका जन्मि गिरीले स्नातकसम्मको अध्ययन गरेका छन् । उनले भारत, चीन, जापान, अमेरिका र कोलम्बियाको भ्रमण गरेका छन् ।
उनी यसअघिको सरकारमा उद्योग, वन, पर्यटन, वातावरण मन्त्री थिए । उनले केही समय लुम्बिनी प्रदेश सरकारमै आन्तरिक मामिला तथा कानुन मन्त्री र स्वास्थ्यमन्त्रीको रूपमा समेत काम गरेका छन् ।
गिरी गएको मङ्सिर ४ गतेको चुनावमा रुपन्देही निर्वाचन क्षेत्र नम्बर २ ९क० बाट निर्वाचित भएका हुन् ।
