काठमाडौं, पुष ४
जनमत पार्टीको संसदीय दलको नेतामा डा सिके राउतलाई चयन भएका छन्।
पार्टीको आइतबार बसेको संसदीयदलको बैठकले राउतलाई सर्बसम्मतरुपमा संसदीय दलको नेताको रुपमा चयन गरेको पार्टीका एक नेताले जानकारी दिए।
ती नेताका अनुसार संसदीय दलको उपनेता र प्रमुख सचेतक चयन गर्नका लागि आज सोमबार १० बजे पुनस्बैठक बस्नेछ।
पहिलोपटक संसदीय राजनीतिमा होमिएका डा राउतले सप्तरी क्षेत्र नम्बर २ मा जनता समाजवादी पार्टीका अध्यक्ष उपेन्द्र यादवलाई दोब्बर बढी मतान्तरले पराजित गरेका थिए।
प्रतिनिधि सभामा जनमत पार्टीले एक प्रत्यक्ष र पाँच जना समानुपातिक गरी ६ जना सांसद्को सिट जित्न सफल भएको छ।
तपाईको प्रतिक्रिया
सम्बन्धित समाचार
