काठमाडौं, मंसिर २६-
रुकुम पूर्वको एकै वडाबाट तीन जना सांसदको लागि सिफारिस भएका छन् । प्रतिनिधि सभा सदस्य र प्रदेश सभाका सदस्यका लागि जिल्लाको पुथाउत्तरगङ्गा गाउँपालिका–१० बाट तीन जनाको नाम सिफारिस भएको हो ।
प्रतिनिधि सभा सदस्यमा नेपाली कांग्रेसबाट कुसुमदेवी थापा बुढामगर सिफारिस भएका हुन् । उनी आदिवासी जनजाति महिलातर्फबाट सिफारिस भएकी हुन् ।
त्यसैगरी लुम्बिनी प्रदेश सभा सदस्यमा नेकपा (माओवादी केन्द्र)की दिलकुमारी बुढामगर र नेकपा (एमाले) की सरिका पुनमगर सिफारिसमा परेकी हुन् । उनीहरु पनि आदिवासी जनजाति महिलातर्फको कोटाबाट सिफारिसमा परेका हुन् ।
फरक–फरक पार्टीबाट समानुपातिक सांसदमा सिफारिस उहाँहरू तीनै जना पुथाउत्तरगङ्गा–१० निवासी हुन् ।
