काठमाडौँ, मंसिर २६-
नेकपा माओवादी केन्द्रका अध्यक्ष पुष्पकमल दाहाल प्रचण्डले आफ्नो पार्टी जहाँ उभिन्छ त्यहि सरकार बन्ने दाबी गरेका छन् । उनले सरकार निर्माणमा आफ्नो पार्टी निर्णायक समेत रहेको जिकिर गरे । सरकारको नेतृत्व आलोपालो गर्नेमा दुविधा नभएको बताएका छन् ।
आइतबार प्रेस सेन्टरको केन्द्रीय पदाधिकारीको बैठकलाई सम्बोधन गर्दै उनले सरकार निर्माणमा माओवादी निर्णायक रहेको बताएका हुन् । ‘सरकारमा आलोपालो हुने भन्ने कुरा स्पष्ट नै छ यसमा कुनै दुबिधा नै छैन ’, प्रचण्डको भनाइबारे उनको निजी सचिवालयले उल्लेख गरेको छ ।
६० सिटको कमान्ड गर्ने स्थिति माओवादी सँग रहेको बताउँदै उनले भने हामी जहाँ उभिएका छौँ सरकार त्यहीँ बन्छ ।’त्यस्तै प्रचण्डले अन्तर्राष्ट्रिय शक्तिले समेत माओवादीलाई नजरअन्दाज गर्ने अवस्था नरहेको बताए।
