– महेश सापकोटा
मंसिर ४ मा प्रदेश र संघको निर्वाचन हुँदै छ। देशको राजनीति २ ध्रुवमा बाँडिएको छ । कतिपय स्थानमा साना दलहरुसँग तालमेल गर्दै नेकपा एमाले चुनावी मैदानमा होमिएको छ भने अर्को तिर ५ दल देशभरी गठबन्धन गरेर चुनावी मैदानमा होमिएका छन् ।
अघिल्लो चुनावमा कम्युनिस्ट शक्तिहरू एक भएर झण्डै २ तिहाई बहुमत जनताले नदिएको होइनन् । चुनाव जितेर केपी ओली प्रधानमन्त्री भयापश्चत प्रचण्ड र माधव कुमार नेपाल लगायत अन्य नेताहरुले कहिले भागबण्डा त कहिले आलोपालो प्रधानमन्त्रीको बखेडा निकालेर सरकार सञ्चालनमा बाधा पु¥याउने र समृद्धिको मार्गमा अगाडि बढाउने सरकारको नीतिमा निरन्तर आवरोध गरी रहे ।
विभिन्न बाधा र अवरोधका बीच केपी ओलीले देशलाई समृद्धिको बाटोमा अगाडि बढाउँदै थिए, देशमा विकासको लहर ल्याउँदै थिए, सामाजिक सुरक्षाको दायरा फराकिलो पार्दै थिए, राष्ट्रियताको मुद्दामा अडिग भएर देशको मिचिएको भूभाग लिम्पियाधुरा र लिपुलेक सहितको नक्सा प्रकाशन गरी उक्त भूभाग फिर्ता ल्याउन अग्रसर भए । बोर्डरमा चेकपोस्टहरु बढाउँदै गए ।
देशले बोल्ड प्रधानमन्त्री पाएको कारण अन्तराष्ट्रिय जगतमा पनि देशको छवि बदलिँदै गएको थियो । केपी ओलीका नेतृत्वमा देशमा विकासको लहर आएको र देश समृद्धिको बाटोमा अगाडि बढेको प्रचण्ड एण्ड कम्पनीलाई असह्य भयो र विभिन्न बाहनामा बहुमत प्राप्त पार्टी फुटाउने गतिविधि गर्न तर्फ लागे र अन्ततः नेकपा फुटेर नेकपा एमाले, नेकपा माओवादी र समाजवादीमा टुक्रियो । त्यसपश्चात देशको समृद्धि र विकासको यात्रा सुस्ताउन थाल्यो ।
देशमा पर्मादेशी गठबन्धन सरकार बनेपछि सरकार भागवण्डा र कार्यकर्ता भर्ती गर्नमा व्यस्त रहिरह्यो । जसका कारण समृद्धि र विकासका रफ्तार सुस्ताउन थाल्यो र देशको अर्थतन्त्र ध्वस्त हुँदै गयो ।
देश चुनावी माहोलमा छ, केही स्वतन्त्र उम्मेद्वारहरू पनि चुनावी मैदानमा उत्रिएका छन् । बहुदलीय व्यवस्थामा स्वतन्त्र उम्मेद्वारको विजय भएर संसद्मा पुगेपछि उहाँहरुको भूमिका ओझेलमा पर्छ र आफ्नो क्षेत्रमा चुनावमा बोलेअनुरुप काम गर्न असम्भव प्राय छ । चुनवपश्चात देशमा की एमाले की गठबन्धनको सरकार आउने निश्चितप्राय छ।
गठबन्धन सरकारको १८ महिने कार्यकाल देखेर जनता आजित भइसकेका छन् । यसपाली चुनावबाट सरकारमा जाने केपी ओली, शेरबहादुर देउवा र प्रचण्ड मध्ये एक जना हो ।
यी तीन मध्ये विकास, समृदी र राष्ट्रियताको सवालमा जनआकांक्षा अनुसार काम गर्ने केपी ओली मात्र हो । त्यसकारण आगामी चुनावमा नेकपा एमालेका उम्मेद्वारहरुलाई विजयी गराएर फेरि पनि केपी ओली नेतृत्वको सरकार बनेमा देशले फेरि समृद्धिको यात्रा सुचारु गर्नेछ र सुस्ताएका विकासको आयोजना, समृद्धिको यात्रा फेरि जुर्मुराउँदै अगाडि बढ्ने छ ।
वर्तमान अवस्थामा देशको समृद्धिको यात्रा र देशको दिगो विकासका लागि केपी ओलीको विकल्प छैन । त्यसैले सम्पूर्ण एमालेका उम्मेद्वारहरुलाई अत्याधिक बहुमतका साथ विजयी गराएर नेकपा एमालेलाई दुई तिहाई बहुमतसहित विजय गराउनुपर्ने आजको आवश्यकता हो ।
– लेखक महेश सापकोटा सप्तगण्डकी बहुमुखी क्याम्पसमा अध्ययनरत विद्यार्थी हुन् । उनी विद्यार्थी नेता पनि हुन् । हाल उनी अनेरास्ववियु क्याम्पस कमिटीको अध्यक्ष हुन् ।