माधव सापकोटा, गैँडाकोट, असोज ३०-
श्री वैष्णव परिषद् नेपाल, श्री वैष्णव युवा परिषद् नेपाल र श्री वैष्णव महिला परिषद् नेपालको आयोजनामा नेपालमै प्रथम पटक नवलपुरको गैंडाकोट(१ स्थित रामानुज वेद विद्याश्रममा बृहद् आचार्य अभिनन्दन समारोह २०७९ को हिजो प्रारम्भ भएको छ।
कार्यक्रममा सनातन वैदिक धर्ममा योगदान पुर्याएबापत निम्बार्क वैष्णव परिषद् नेपालका केन्द्रीय अध्यक्ष हरिशरण देवाचार्यज्यूलाई सम्मान(पत्र र दोसल्ला ओढाएर सम्मान गरिएको थियो।
साथै २०७४ सालदेखि प्रतिवर्ष दिँदै आएको सर्वोत्कृष्ट श्री वैष्णव सेवा पुरस्कार २०७६ ,२०७७ र २०७८ बाट क्रमशः देवघाट निवासी स्वामी जगन्नाथाचार्य , सुन्दरहरैँचा, मोरङ निवासी दामोदराचार्य ९ दाताराम भण्डारी ० र रौतहट निवासी घनश्यामाचार्य खनाल स्वामीलाई तथा सर्वोत्कृष्ट मातृसेवा पुरस्कार २०७६,२०७७ र २०७८ बाट क्रमशः लक्ष्मीहरि मन्दिर निरय , बाग्लुङ निवासी पुरुषोत्तम श्रीनिवास रामानुजदासी पौडेल ,श्रीराम शान्तिकुञ्ज महिला सेवा आश्रम, चतराधाम ,सुनसरी निवासी मिथिला पाण्डे एवम् यशोदा पाण्डे र कपन ,काठमाडौँ निवासी उपप्राध्यापक रमा भट्टराईलाई जनही ११००० सम्मान(पत्रले सम्मान गरिएको थियो।श्री वैष्णव युवा परिषद् नेपालका केन्द्रीय अध्यक्ष लक्ष्मणाचार्यको स्वागत मन्तव्य र शुकदेव भागवताश्रम गैंडाकोटका छात्रहरूद्वारा गरिएको वैदिक मङ्गलाचरणबाट सुरु भएको उक्त कार्यक्रमको रामानुजाचार्य स्वामीको चित्रको अनावरण र दीपप्रज्वालन गरेर उद्घाटन गरिएको थियो।त्रिदण्डी परांकुशाचार्य जीयर स्वामीको प्रमुख आचार्यत्व र हरिशरण देवाचार्यको प्रमुख आतिथ्यमा सम्पन्न कार्यक्रममा स्वामी कृष्णमाचार्य लगायतकाले मंगलाशासन गर्नुभएको थियो।श्रीवैष्णव परिषद् नेपालका केन्द्रीय अध्यक्ष स्वामी देवराजाचार्यको सभापतित्वमा सम्पन्न भएको उक्त कार्यक्रमको गोविन्द घिमिरे ९ आकाश नीलम्० र लक्ष्मीप्रसाद अवस्थीले संचालन गरेका थिए ।
कार्यक्रम उद्घाटनपूर्व बिहान १० बजेबाट भगवद्रामानुजाचार्य(वैभव(विग्रह(सन्निधि देवघाटधामबाट हात्ती, बग्गीघोडा, पञ्चैबाजासहित १०४ श्री वैष्णवाचार्यहरूका साथमा रथयात्रा प्रारम्भ भई शेषलक्ष्मीनारायण मन्दिर क्षेत्रपुर, लीलाच , सहिदचोक, पुलचोक हुँदै कार्यक्रमस्थल गैँडाकोटसम्म आइपुगेको थियो।
कार्यक्रमअन्तर्गत असोज ३० र ३१ गते बिहान ८ बजेदेखि १२ बजेसम्म र दिनको २ बजेदेखि बेलुका ५ बजेसम्म हुने दुवै सत्रमा विशिष्ट आचार्यहरूद्वारा श्री सम्प्रदाय रहस्य , विशिष्टाद्वैत वेदान्त तथा रामानुजाचार्य स्वामीजीका जीवन चरित्रका विषयमा प्रवचन तथा ख्यातिप्राप्त भजन(गायकद्वारा भक्तिसंगीत हुने समारोहका मीडियाप्रमुख वेदप्रसाद आचार्यले जानकारी दिए ।
