चितवन, भदौ २३ भोलि शुक्रबार प्रधानमन्त्री शेरबहादुर देउवा चितवन आउँदैछन् ।
नेपाली कांग्रेसले मंसिर ४ को चुनाव लक्षित सुरू गरेको ‘जनताको साथमा कांग्रेस अभियान’को पहिलो चरणको कार्यक्रम समापन गर्न पार्टी सभापतिसमेत रहेका प्रधानमन्त्री देउवा चितवन आउन लागेको कांग्रेस चितवनले जनाएको छ ।
भरतपुरको वीपी कोइराला मेमोरियल क्यान्सर अस्पतालमा हुने कार्यक्रममा दिउँसो करिब १२ बजे देउवा आउने कार्यक्रम रहेको बिहीबार भरतपुरमा पत्रकार सम्मेलन गरेर जानकारी गराइएको हो ।
कांग्रेसले मंसिर ४ गते हुने दुई तहको निर्वाचनमा जनतालाई कांग्रेस पार्टीको विषयमा बुझाउने उद्देश्यस्वरूप भदौ १० गतेदेखि अभियान थालेको थियो ।
२४ गते उक्त अभियानअन्तर्गत पहिलो चरणको कार्यक्रम सकिएपछि दोस्रो चरणको कार्यक्रम सुरू गरिने पार्टी सभापति खनालले जानकारी दिए ।
तपाईको प्रतिक्रिया
सम्बन्धित समाचार
