चितवन, साउन १८–
चितवनमा ट्रकले स्कुटरलाई ठक्कर दिँदा एक जनाको मृत्यु भएको छ ।
राप्ती नगरपालिका ७ को वीरेन्द्रनगर चोकमा ट्रकले स्कुटरलाई ठक्कर दिँदा स्कुटरमा सवार रहेका एकको मृत्यु भएको हो ।
पूर्वतर्फ जाँदै गरेको ना ६ ख ५९८६ नम्बर प्लेट भएको ट्रकले सोही दिशा हुँदै जाँदै गरेको बागमती प्रदेश ०३–००३ प १२०९ नम्बर प्लेटको स्कुटरलाई ठक्कर दिएको हो ।
जिल्ला प्रहरी कार्यालय चितवनका अनुसार राप्ती नगरपालिका–६ हर्दीकी २४ वर्षीय रमिता तामाङको मृत्यु भएको हो । गम्भीर घाइते भएकी उनको भरतपुरको सरकारी अस्पतालमा उपचारको क्रममा निधन भएको हो । दुर्घटनामा स्कुटर चालक उनका पति वर्ष २८ का सुशील कुँवर घाइते भएका छन् । कुँवरको हात र खुट्टामा चोट लागेको छ ।
घटनाको विरोधमा स्थानीयले पूर्वपश्चिम राजमार्गअन्तर्गत वीरेन्द्र चोकमा प्रदर्शन गर्दै सडक अवरुद्ध गरेका छन् ।
तपाईको प्रतिक्रिया
सम्बन्धित समाचार