– आशिष उप्रेती
चितवन, साउन १२- नेकपा एमालेका उपाध्यक्ष एवं पूर्व अर्थमन्त्री सुरेन्द्र पाण्डेले अब हुने प्रतिनिधि सभा र प्रदेश सभाको चुनावमा बाम एकता असम्भव नरहेको बताउनुभएको छ ।
राप्ती पत्रकार मन्चले आज बिहिबार राप्तीको भण्डारामा आयोजना गरेको पत्रकार भेटघाट कार्यक्रममा उहाले आफुहरुको पार्टि विपक्षमा रहेकोले सरकारमा बस्ने दलहरुले एकताको विषयमा निर्णय गर्नुपर्ने बताए । सरकारमा बस्ने दलहरुकै आन्तरीक समस्याको कारणले बाम एकता हुने नहुने कुरा त्यसमा भर पर्ने उहाले बताए।
उनले स्थानिय तहको चुनावमा एमालेले सोचेको जस्तो जित हासिल गर्न नसकेको बताए । गत वैशाखमा सम्पन्न भएको स्थानिय तहको चुनावमा पार्टि विभाजन भएको कारणले एमालेलाई मुख्य असर परेको बताए ।
उनले केही ठाउहरुमा आन्तरीक व्यवस्थापनको समस्या, उम्मेदवारी छनौटको समस्या र केही केही ठाउमा घात अन्तर्घातको विषयले निर्वाचनको नतिजालाई प्रभावित पारेको समेत बताए। स्कूलिङ गर्नुपर्ने र कतिपय जानी बुझी गल्ती गर्नेहरुलाई कार्वाही समेत गर्नुपर्ने बताउदै उनिहरुलाई शिक्षा दिक्षा र सम्झाई बुझाई गरी समझदारीमा ल्याउन पार्टिले मूख्य भूमिका खेल्नुपर्ने बताए।
खेतीको मूख्य समयमा किसानलाई आवश्यक परेको बेला मल उपलब्ध गराउन नसकेकोले अहिलेको पाँच दलिय गठबन्धनको सरकारले कामै गर्न नसकेको बताए । अहिलेको सरकारले प्रहरीलाई हतियार खरिद गर्नको लागि पैसा दिने कुरा समय सान्दर्भिक नरहेको बताउदै बजार भाउ र खरिद गर्ने भाउमा धेरै अन्तर रहेकोले यसमा कमिसनको खेल भएको हुन सक्ने आरोप लगाउनुभयो ।
त्यस्तै सरकारले ल्याउन लागेको बजेटमा निहित स्वार्थका लागि दर रेटमा परिवर्तन गरिनु राष्ट्र विरुद्धको अपराध भएको पाण्डेको भनाई छ । निश्चित परिवार तथा ठूला घरहनाहरुलाई लाभ पुर्याउने उद्धेश्यबाट बजेटको दर रेट परीवर्तन गरीएको उनको आरोप छ । तपाई चितवनबाट चुनावमा उठ्नुहुन्छ? भन्ने पत्रकारहरुले सोधेको प्रश्नमा उहाले “आफू एमालेको उपाध्यक्ष रहेको र चितवनबाट चुनावमा उठ्नु स्वभाविक रहेको समेत बताए ।”