काठमाडौं, ८ साउन-
गत आर्थिक वर्ष २०७८ र ७९ मा ८११ वटा म्यानपावर कम्पनीले नेपालीहरुलाई वैदेशिक रोजगारीमा पठाएको पाइएको छ ।
उनीहरुले ५ लाखभन्दा बढीलाई नेपालबाट विभिन्न देशमा रोजगारीको लागि पठाएका हुन् ।
विभागले सार्वजनिक गरेको विवरणअनुसार गत वर्ष नेपालबाट वैदेशिक रोजगारीको सिलसिलामा सबैभन्दा बढी कामदार पाराडाइज इन्टरनेसनल प्रालिले पठाएको छ ।
पाराडाइजले एक वर्षको अवधिमा ६ हजार ५५ जनालाई नेपालबाट वैदेशिक रोजगारीमा पठाएको छ ।
पाराडाइजलेपछि सबैभन्दा बढीलाई वैदेशिक रोजगारीमा पठाउनेमा एसओएस म्यानपावर सर्भिस प्रालि रहेको छ । एसओएसले गत वर्ष ५ हजार ७२४ जनालाई वैदेशिक रोजगारीमा पठाएको छ ।
वैदेशिक रोजगारीमा सबैभन्दा बढी पठाउने सूचीको तेस्रो र चौथौं नम्बरमा अक्सफोर्ड इन्टरनेसनल प्रालि र लिंक इन्टरनेसनल प्लेसमेन्ट सर्भिसप्रालि रहेका छन् । विभागका अनुसार अक्सफोर्डले ४ हजार १८८ र लिंक इन्टरनेसनलले ३ हजार ६७२ जनालाई विभिन्न देशमा पठाएका छन् ।
यस्तै, डिवान कन्सल्ट्यान्ट्स प्रा।लि।ले २ हजार २७१, फजल इन्टरनेसनल प्रालिले २ हजार ७६३, साउण्डलाइन्स रिक्रुटमेन्ट प्रालिले २ हजार ७४२, मोभिरा रिक्रुटमेन्ट कन्सल्टेन्सी सर्भिस प्रालिले २ हजार ५९० र लक्की एचआर सोलुसन प्रालिले २ हजार ४५९ जनालाई गतवर्ष वैदेशिक रोजगारीमा पठाएको छ ।
विभागको तथ्याङ्कअनुसार गतवर्ष इन्टरनेसनल म्यानपावर रिक्रुटमेन्ट प्रालिले २ हजार ३३३, भिजन एण्ड एम्प, भ्यालु ओभरसिज प्रालिले २ हजार ३०१, एडभान्स्ड म्यानेजमेन्ट कन्सल्टेन्ट्स प्रालि २ हजार २३१, मोन्टाज ओभरसिज प्रालिले २ हजार २१७ र ट्यालेन्ट ओभरसिज् सर्भिसेज प्रालिले २ हजार १४७ जनालाई वैदेशिक रोजगारीमा पठाएको छ ।
अल शाहिद ओभरसिज प्रा।लि।ले १ हजार ९८२, सान नेपाल प्रालिले १ हजार ९४१, निल कमल ह्युमन रिर्सोस प्रालिले १ हजार ७९२, सर्पोट ह्युमन रिर्सोसेज प्रालिले १ हजार ७२९, अल कौसार ह्युमन रिसोर्स प्रालिले १ हजार ६०५ र एएस इन्टरनेसनल ग्रुप प्रालिले १ हजार ५९१ जनालाई वैदेशिक रोजगारीमा पठाएको विभागले जनाएको छ ।
गत आर्थिक वर्ष २०७८ र ७९ मा वैदेशिक रोजगारीमा जानका लागि ५ लाख ६७ हजार बढीले श्रम स्वीकृति लिएका छन् ।
वैदेशिक रोजगार विभागका विभागका अनुसार गत आर्थिक वर्ष २०७८ र ७९ को पहिलो ११ महिनामा वैदेशिक रोजगारीमा जान कूल ५ लाख ६७ हजार ८३९ जनाले श्रम स्वीकृति लिएका हुन् । -न्युज कारखाना
