प्रावधानअनुसार सुवेदीको सेवा अवधि सकियो । तर २५ वर्ष सेवा गरेको संस्थाले अहिले सुवेदीलाई रित्तो हात घर फर्काउन लागेको छ । त्यसैको विरोधमा उनी धर्ना बसिरहेका छन् भने संगठनले उनलाई साथ दिएको छ । अवकाशको समयमा रित्तो हात फर्किन पर्दैन भन्ने आश्वासन विगतमा स्कूल प्रशासनबाट पाएको भन्दै उनले उक्त आश्वासन पूरा हुनुपर्ने बताए ।

उमेर हदको नजिरले अहिले मलाई छोयो । मौखिक रुपमा हामीलाई अवकाश पाउँदा रित्तो हात फर्किन पर्दैन भनेर झुक्काई रहे । तर कुनै कमिटी गठन गरेनन् । अहिले मलाई रित्तो हात फर्काउँदैछन्, उनी भन्छन्, स्थायीले ३५ लाख लैजाँदा म चाहीँ खाली हात फर्कनुपर्ने ?’

हालै मात्रै सिटिईभिटिले सेवा करारका कर्मचारीलाई आवकाशका समयमा एक लाख रुपैयाँ सेवा सुविधा दिने भनी निर्णय गरेर शिक्षा मन्त्रालय पठाएको छ । शिक्षा मन्त्रालयले उक्त फाइल अर्थ मन्त्रालय पठाएको छ । तर अर्थ मन्त्रालयबाट त्यो निर्णय पास भएको छैन ।

‘कि त्यो निर्णय पास गरेर एक लाख रुपैयाँ भए पनि दिनुप¥यो कि त गरिरहेको कामलाई निरन्तरता दिनुप¥यो,’ सुवेदी भन्छन् । उनी आफ्नो गुनासो लिएर शिक्षामन्त्रीलाई भेट्न पनि पुगे । मन्त्रीबाट काममै निरन्तरता गराउने आश्वासन पाए । तर आश्वासन केबल आश्वासनमै सीमित रहेको उनको दुखेसो छ ।

स्कुलकी प्रिन्सिपल रजनी मल्लले स्कुल प्रशासनले केही गर्न सक्ने अवस्था नभएको बताउँछिन् । आफूले माग पूरा गर्न पहल मात्र गर्न सक्ने बताउँदै उनले बाँकी काम हुन मन्त्रालयबाट नै निर्णय हुनुपर्ने बताइन् ।

यस अघि स्कूल प्रशासनले सेवा करारका कर्मचारीलाई अवकाशका बेला उपदान दिने आश्वासन दिए नदिएको बारे आफूलाई जानकारी नभएको र आफूले त्यस्तो आश्वासन नदिएको बताइन् । कर्मचारीहरुले २०७० सालमा आन्दोलन गर्दा स्कूलले सेवा करारका कर्मचारीलाई अवकाशका बेला उपदान दिने आश्वासन दिएको बताउँदै आएका छन् ।

उक्त मागलाई संवोधन गर्नुपर्ने भन्दै अखिल नेपाल संघ संस्था तथा बंंैक वित्तिय श्रमीक संघ स्कूल अफ हेल्थ साइन्स, इकाई कमिटी, चितवनले विभिन्न ६ बुँदे मागसहितको विज्ञप्ति टाँस्दै तालाबन्दी गरेको हो ।

मागहरुमा श्रम ऐनमा उल्लेख २४० दिन सेवा अवधि पुगेका कर्मचारीलाई स्वतः स्थायी गर्नुपर्ने, सेवा करार कार्यालय सहयोगीलाई स्थानीय कार्यालय कर्मचारी सरह सुविधा दिनुपर्ने, ठेकेदारी प्रथाको अन्त्य गर्नुपर्ने, उचित सेवासुविधा तय नभएसम्म उमेर हद सम्बन्धी प्रावधान खारेज हुनुपर्ने, योग्यता पुगेका सहयोगी कर्मचारीको बढुवा र बिगतका आन्दोलनका सम्पूर्ण सहमतिहरु कार्यान्वयन गर्नुपर्ने मागहरु रहेका छन् ।

स्कूल सञ्चालक समिति अध्यक्ष एवम् चितवनका प्रमुख जिल्ला अधिकारी अस्मान तामाङलाई भेटेर समस्या ध्यानाकर्षण गराउँदा पनि माग पूरा गर्न कुनै पहल नगर्ने देखिएपछि तालाबन्दी गर्न बाध्य हुनुपरेको करार कर्मचारी संघर्ष समितिका इकाई अध्यक्ष त्रिचन्द्र खरालले बताए ।

आज १० बजे लागेको ताला फुटाउन स्कुलकी प्रिन्सिपल रजनी मल्लले प्रहरीलाई प्रयोग गर्न खोजेकी थिइन् । तर प्रदर्शनकारीको चर्काे दबाब र विद्यार्थीहरुको साथले गर्दा प्रहरी प्रशासन ताला फुटाउन बाट पछि हटेको थियो ।