चितवन, असार २५ –
एयरहोस्टेस पढाउनका लागि भरतपुरमा एरोटेक इन्टरनेशनल स्कुल सञ्चालनमा आएको छ ।
एरोटेकको आज ९शनिबार० एक कार्यक्रमकाबीच भरतपुर महानगरपालिका १० का वडाध्यक्ष परमेश्वर खनालले उद्घाटन गरे । भरतपुर–१० रिजालचोकस्थित अष्टभुजा पेट्रोल पम्प पछाडि रहेको एरोटेक केही समय अघि नै सञ्चालनमा आए पनि विधिवत रुपमा आज उद्घाटन गरिएको हो ।
एभिएसन सम्बन्धी अध्ययनका लागि काठमाडौं जानुपर्ने बाध्यता अन्त्य गर्नका लागि एरोटेक सञ्चालनमा ल्याइएको प्रवन्ध निर्देशक सुमन भट्टले जानकारी दिए । उनले कतार एयरवेजमा दश वर्षको अनुभव संगालेर चितवनमा एभिएसन स्कुल सञ्चालन गरिएको बताए ।
नेपालमा विमानस्थल विस्तार, नयाँ विमानस्थल निर्माण र एयरलाइन्सको संख्या बढ्दै गएकोले यस क्षेत्रमा भविष्य राम्रो रहेको उनले बताए । विश्वभर नै एयरहोस्टेजको माग उच्च रहेकोले अध्ययन पश्चात काम सुनिश्चित हुने उनको भनाइ छ ।
आन्तरिक र बाह्य उडान गर्ने एयरलाइन्सहरुसँग सहकार्य गरेर विद्यार्थीहरुलाई अध्यापन गराइने उनले जानकारी दिए ।
भट्टका अनुसार एयर होस्टस बन्नका लागि जुनसुकै विधाबाट कम्तिममा प्लस टु उत्तीर्ण भएको हुनुपर्छ । १८ वर्ष पुगि ३० वर्ष ननाघेको हुनुपर्छ ।
५ फिटभन्दा माथिको उचाइ हुनुपर्छ । यस्तै राम्रो देखिने व्यक्तित्व हुनुपर्छ यसको अर्थ राम्री भन्ने होइन । अनुहार वा हातमा कुनै दाग हुनुहुँदैन । शरीरमा देखिने खालका कुनै पनि ट्याटूहरु हुनु हुँदैन ।
