चितवन चैत २६
नयाँ वर्ष २०८३ को अवसर पारेर बान्जाई एजुकेसन कन्सल्टेन्सी ले खुल्ला नकआउट फुटसल प्रतियोगिता आयोजना गर्ने भएको छ।
प्रतियोगिता चैत २८ गते, शनिबार १२ घरेस्थित Cassy Futsal & Sports Center मा सञ्चालन हुने आयोजकले जनाएको छ।
आयोजकका अनुसार प्रतियोगितामा सहभागी टिमहरूबीच
प्रतिस्पर्धात्मक खेलमार्फत नयाँ वर्षलाई खेलकुदमय र उत्साहपूर्ण रूपमा स्वागत गर्ने उद्देश्य राखिएको छ।
प्रतियोगितामा विजेता टिमलाई रु. ४४ हजार नगद, मेडल तथा प्रमाणपत्र प्रदान गरिनेछ भने उपविजेता टिमले रु. ३० हजार नगद, मेडल तथा प्रमाणपत्र प्राप्त गर्नेछ।
बान्जाइ एजुकेसन कन्सल्टेन्सी का Managing Director ऋषि कँडेल ले युवाहरूमा खेलप्रतिको आकर्षण बढाउने, आपसी सहकार्य प्रवर्द्धन गर्ने तथा नयाँ वर्षको अवसरलाई सकारात्मक र ऊर्जामय बनाउने उद्देश्यले प्रतियोगिता आयोजना गरिएको बताए।
उनले भने,“नयाँ वर्ष २०८३ लाई खेलकुदमार्फत उत्साहपूर्ण रूपमा स्वागत गर्ने उद्देश्यले यो प्रतियोगिता आयोजना गर्न लागिएको हो। यस कार्यक्रमले युवाहरूबीच सहकार्य, प्रतिस्पर्धा र खेलभावनाको विकासमा सकारात्मक योगदान पुर्याउने विश्वास लिएका छौं।”
आयोजकले प्रतियोगितामा सहभागी हुन इच्छुक टिम तथा खेलप्रेमीहरूलाई समयमै सम्पर्क गरी सहभागिता सुनिश्चित गर्न अनुरोध गरेको छ।
प्रतियोगिताले स्थानीय स्तरमा फुटसलप्रति आकर्षण बढाउनुका साथै युवाहरूलाई एकीकृत गर्ने अपेक्षा गरिएको छ।
प्रतियोगिता विवरण यसप्रकार रहेको छ ।
आयोजक: बान्जाइ एजुकेसन कन्सल्टेन्सी
कार्यक्रम: खुल्ला नकआउट फुटसल प्रतियोगिता
मिति: चैत २८ गते, शनिबारस्थान: Cassy Futsal & Sports Center, बार्हघरे
प्रथम पुरस्कार: रु. ४४,००० + मेडल + प्रमाणपत्र
द्वितीय पुरस्कार: रु. ३०,००० + मेडल + प्रमाणपत्र
सम्पर्क तथा सहभागिता सम्बन्धी थप जानकारीका लागि आयोजकसँग सम्पर्क गर्न सकिनेछ।
