चितवन, २३ माघः
चितवन क्षेत्र नं. २ मा प्रतिनिधिसभा सदस्यका लागि नेपाली कांग्रेसकी उम्मेदवार मीना खरेलको घरदैलो कार्यक्रम भव्य रुपमा सञ्चालन भइरहेको छ। भरतपुरका विभिन्न वडाहरुमा घरदैलो कार्यक्रम सम्पन्न भएको हो ।
जसमा भरतपुर–११, भरतपुर १२ मा घरदैलो कार्यक्रम सञ्चालन भएको छ भने हिजो भरतपुर–२ का विभिन्न टोलमा घरदैलो कार्यक्रम गरेको थियो ।
घरदैलो अभियानका क्रममा स्थानीयवासीहरूले खरेलको समर्पण, कर्मठता, इमानदारी तथा समाजका पीडित र असहाय वर्गको पक्षमा निरन्तर उभिने प्रतिबद्धताको खुलेर प्रशंसा गरेका छन्। प्रत्येक घरमा पुगेर उनले महिला अधिकार, बालबालिका संरक्षण, शिक्षा, स्वास्थ्य तथा सामाजिक कल्याणसँग सम्बन्धित योजनाबारे जनतासँग छलफल गरिरहेकी छन्।
कार्यक्रममा सहभागी नागरिकहरूले आफ्ना समस्या र गुनासो प्रत्यक्ष राख्ने अवसर पाएका छन् भने खरेलले सांसद निर्वाचित भएपछि कार्यान्वयन गर्ने योजना र प्राथमिकताबारे जानकारी दिएकी छन्। घरदैलो अभियान केवल औपचारिक भेटघाटमा सीमित नभई जनतासँग प्रत्यक्ष संवाद र विश्वास निर्माणको माध्यम बनेको देखिएको छ।
स्थानीयहरू उनको स्पष्ट दृष्टिकोण, नेतृत्वशैली र सामाजिक सेवाप्रतिको प्रतिबद्धताबाट प्रेरित हुँदै भविष्यको नेतृत्वका लागि भरोसा व्यक्त गरिरहेका छन्। लामो समयदेखि सामाजिक कार्यमा सक्रिय खरेललाई क्षेत्रका बासिन्दाले ‘आफ्नै प्रतिनिधि’ का रूपमा लिँदै मत दिने प्रतिबद्धता समेत जनाएका छन्।
समग्रमा, चितवन–२ मा खरेलको उम्मेदवारीप्रति जनताको सकारात्मक ऊर्जा, उत्साह र समर्थन बढ्दो देखिएको छ । जसले उनको घरदैलो अभियानलाई थप प्रभावकारी बनाएको छ।
