मंसिर ३,काठमाडौं ।
नेपाली कांग्रेस महामन्त्री विश्वप्रकाश शर्माले एमाले महासचिव शंकर पोखरेल र पोलिटब्युरो सदस्य महेश बस्नेतसहित नेताहरूलाई सिमरा जान रोक लगाउनु दु:खद् भएको बताएका छन्।
एमाले नेताहरू जाने भएपनि विमानस्थल आसपासमा जेनजी समूहले प्रदर्शन गरेपछि काठमाडौंमै रोकिएका थिए।
त्यसबारे उनले भनेका छन्, ‘सिमरा घटना दुःखद ! प्रधानमन्त्रीज्यूलाई ध्यानाकर्षण एक फेरा भ्रमणको वातावरण नबनाए, चुनाव कसरी हुन्छ?’ मधेस प्रदेशमा एमालेले सही कर्म नगरेको भएपनि आफ्ना कुरा राख्न हिँड्न रोक्न नहुने उनको तर्क छ।
उनले थपेका छन्, ‘एमाले चुनावको विपक्षमा उभिएको छ त, उसलाई चुनावमा आउन आग्रह गरौँ मधेस प्रदेशमा सही कर्म गरेन त, त्यस विरुद्ध दबाब दिऊँ जेनजीविरुद्ध आवेगका अभिव्यक्ति दिएका छन् त, संयमले बोल्न भनौँ तर आफ्ना कुरा राख्न कहीँ पनि भ्रमण गर्ने संविधान प्रदत्त अधिकार कसैको पनि कुण्ठित गर्न मिल्दैन त्यसले झनै द्वन्द्व बढाउँछ, यो समय संयम र एकता राख्नुपर्ने समय हो।’
सामाजिक सञ्जाल निषेध विरुद्ध उभिने जेनजी कसैको ‘समाज भ्रमण अधिकार’ विरुद्ध उभिन नसक्ने बताए।
उनले भने, ‘सिमरा घटना जेनजी भावना होइन, त्यसको दुरुपयोग हो । निषेधको राजनीति कसैले नगरौँ ।
