१९ कात्तिक, काठमाडौं
जेनजी आन्दोलनका क्रममा २३ भदौमा भएको दमन र भोलिपल्टको आगजनीबारे जाँचबुझ गर्न गठन भएको आयोगले प्रहरी महानिरीक्षक चन्द्रकुवेर खापुङसँग स्पष्टीकरण सोधेको छ ।
बुधबार आयोगले आइजिपी खापुङलाई कारबाही किन नगर्ने भनेर स्पष्टीकरण सोधेको आयोगका प्रवक्ता एवं सदस्य विज्ञानराज शर्माले जानकारी दिए।
‘आइजिपीलाई तपाईंलाई किन कारबाही नगर्ने भनेर स्पष्टीकरण सोधेका छौं,’ उनले भने, ‘२४ घन्टाभित्र जबाफ माग गरेका छौं।’
उनका अनुसार जाँचबुझ आयोग गठन भएको केही समयमै भदौ २३ र २४ गते फिल्डमा को को खटिएका थिए भनेर प्रहरीसँग विवरण माग गरी पत्राचार गरिएको थियो।
