काठमाडौं असोज ८
आइएमई खल्ती लिमिटेडद्वारा प्रवर्द्धित डिजिटल वालेट ‘खल्ती बाइ आइएमई’ ले दशैं–तिहार लक्षित गर्दै वर्ल्डलिङ्क इन्टरनेट प्रयोगकर्ताका लागि भव्य क्याम्पेन सार्वजनिक गरेको छ।
१२ हप्तासम्म चल्ने यस अभियान अन्तर्गत खल्तीमार्फत वर्ल्डलिङ्कको इन्टरनेट बिल भुक्तानी गर्ने सेवाग्राहीले बम्पर पुरस्कारमा दिपलको एसओ ५ गाडी, १२ भाग्यशाली जोडीलाई विदेश भ्रमण प्याकेज, साथै स्यामसुङ उपकरणमा विशेष छुट जित्ने अवसर पाउनेछन्।
कम्पनीका अनुसार क्याम्पेन अवधिभर हरेक हप्तामा एक भाग्यशाली जोडीले विदेश भ्रमण प्याकेज जित्नेछन् भने बम्परमा एक विजेताले दिपलको गाडी प्राप्त गर्नेछन्। साथै, वर्ल्डलिङ्कको प्याकेज खरिद वा नवीकरण गर्दा विभिन्न स्यामसुङ उपकरणमा ४० प्रतिशतसम्म छुट समेत पाइनेछ।
भुक्तानी अवधिअनुसार ग्राहकलाई एसएमएसमार्फत कुपन प्रदान गरिनेछ। १ महिनाको बिल तिर्दा = १ कुपन,३ महिनाको बिल तिर्दा = ३,कुपन र १२ महिनाको बिल तिर्दा = ५ कुपन यी कुपनमार्फत ग्राहक स्वतः लक्की ड्रमा सहभागी हुनेछन्। खल्तीका अनुसार, “जति धेरै भुक्तानी, उति धेरै जित्ने सम्भावना” रहनेछ।
आइएमई खल्ती लिमिटेडका प्रमुख कार्यकारी अधिकृत बिनय खड्काले यस क्याम्पेनमार्फत ग्राहकलाई झन्झटमुक्त भुक्तानी सेवासँगै चाडपर्वलाई अझ रमाइलो बनाउन सहयोग पुग्ने बताए। उनले वर्ल्डलिङ्क प्रयोगकर्तालाई उक्त अफरको लाभ लिन आह्वान समेत गरे।
वर्ल्डलिङ्कको आधिकारिक भुक्तानी पार्टनर खल्तीले यसअघि पनि दुबई भ्रमण र नयाँ गाडी जस्ता आकर्षक अफर सार्वजनिक गरिसकेको छ। कम्पनीले यस वर्षको अभियानले सोही उत्साहलाई निरन्तरता दिने विश्वास व्यक्त गरेको छ।
गत श्रावण १ गतेदेखि आइएमई डिजिटल सोलुसन र खल्ती प्रा.लि. एकीकृत भई आइएमई खल्ती लिमिटेड बनेको हो। एकीकरणपछि खल्ती बाइ आइएमईका प्रयोगकर्ता संख्या १ करोड २७ लाखभन्दा बढी पुगेको छ।
हाल संयुक्त इकाईले ५४.५४ करोड रुपैयाँभन्दा बढी चुक्ता पुँजीसहित देशकै सबैभन्दा ठूलो डिजिटल वालेटका रूपमा सेवा दिइरहेको छ। कम्पनीले यस कदमले नेपाली डिजिटल अर्थतन्त्रमा नयाँ आयाम थप्ने विश्वास व्यक्त गरेको छ।
