काठमाडौँ, ३ असोज :
गृह मन्त्रालयले समाजमा उच्छृङ्खल गतिविधि भए ९८५१३६०६०३ मा फोन, एसएमएस, ह्वाट्सएप वा भाइबरमार्फत सम्पर्क गर्न सर्वसाधारणलाई आग्रह गरेको छ ।
शुक्रबार एक सूचना जारी गर्दै मन्त्रालयले सो आग्रह गरेको हो ।
मन्त्रालयद्वारा जारी सूचनाअनुसार समाजमा देखिने वा देखिन सक्ने उच्छृङ्खल गतिविधिहरू र अन्य समस्याहरूको सहजीकरणको लागि सहायता कक्ष स्थापना गरिएको छ ।
सहायक प्रवक्ता तथा सूचना अधिकारी रवीन्द्र आचार्यले कुनै पनि सूचना, गुनासो, सल्लाह वा सुझाव भएमा उल्लेखित नम्बरमा सम्पर्क गर्न सकिने जनाएका छन् ।
