३० भदौ, काठमाडौं ।
जेनजी आन्दोलनको क्रममा सुन्धारा कारागारबाट भागेका एक विदेशी कैदीको मृत्यु भएको छ ।
मृत्यु हुनेमा दक्षिण अफ्रिकी नागरिक ६५ वर्षीय ज्याक्विस एन्टेन एंगल ब्रेफ छन् ।
सुन्धारामा रहेको ओम सुविधा गेष्टहाउसको चौथो तलाबाट हामफाल्दा उनको मृत्यु भएको जिल्ला प्रहरी परिसर काठमाडौंका एक अधिकृतले बताए ।
२४ भदौको राति कारागारबाट भागेका उनलाई पक्राउ गर्न प्रहरी उक्त गेष्टहाउसमा पुगेको थियो । त्यसपछि उनले चौथो तलाबाटै हामफालेका थिए । उनको शव त्रिवि शिक्षण अस्पताल महाराजगञ्जमा राखिएको छ ।
जेनजी आन्दोलनको क्रममा सुन्धारा कारागारबाट मात्रै ३३ सय कैदी फरार भएका थिए ।
तपाईको प्रतिक्रिय
सम्बन्धित समाचार
