काठमाडौं,भदौ २३-
नेपाली बजारमा सोमबार (भदौ २३) सुनको मूल्य घटेको छ । सुनको मूल्य तोलामा ४०० रुपैयाँले घटेको नेपाल सुनचाँदी व्यवसायी महासंघले जनाएको छ । यस दिन छापावाल सुनको मूल्य तोलाको दुई लाख ११ हजार ६०० रुपैयाँ कायम छ । आइतबार (भदौ २२) छापावाल सुन प्रतितोला दुई लाख १२ हजार रुपैयाँमा किनबेच भएको थियो । त्यो हालसम्मकै उच्च मूल्य हो ।
चाँदीको मूल्य पनि तोलामा २५ रुपैयाँले घटेको छ । चाँदी प्रतितोला दुई हजार ४७५ रुपैयाँमा खरिद–बिक्री भइरहेको महासंघले जनाएको छ । आइतबार चाँदी प्रतितोला दुई हजार ५०० रुपैयाँमा कारोबार भएको थियो । चाँदीको मूल्य पनि हालसम्मकै उच्चबाट घटेको हो ।
