काठमाडौं, वैशाख २१
काठमाडौंको तीनकुने घटनामा पक्राउ परेका राष्ट्रिय प्रजातन्त्र पार्टी (राप्रपा)का वरिष्ठ उपाध्यक्ष रवीन्द्र मिश्रसहित २५ जनालाई अनुसन्धानका लागि प्रहरीले थप म्याद लिने तयारी गरेको छ।
यसअघि थप भएको ७ दिनको म्याद आइतबार सकिँदैछ। जिल्ला प्रहरी परिसरले अनुसन्धानका लागि थप म्याद थप गर्ने उनीहरूलाई आइतबार अदालत उपस्थित गराउँदै छ।
परिसरका एसपी अपिलराज बोहराका अनुसार राज्य विरूद्धको कसुर र संगठित अपराध गरेको कसुरमा पक्राउ परेका २५ जनालाई प्रहरीले आइतबार म्याद थपका लागि काठमाडौं जिल्ला अदालतमा उपस्थित गराउने भएको हो।
