चितवन, फागुन १४ –
भरतपुरको न्यु होराइजन इङ्ग्लिस स्कुलले लागु औषध दुव्र्यसन तथा लैङ्गिक हिंसा विरुद्ध सचेतना कार्यक्रम सम्पन्न गरेको छ । जिल्ला प्रहरी कार्यालय चितवन र सामुदायिक सेवा केन्द्रको सहयोगमा मंगलबार सचेतना कार्यक्रम सम्पन्न गरिएको हो ।
भरतपुर २ भित्रका १८ वटा टोल, १४ वटा आमा समुह र होराइजन स्कुलका विद्यार्थीहरु माझ सचेतना कार्यक्रम गरिएको हो । कार्यक्रममा जिल्ला प्रहरी कार्यालय चितवनकी महिला सेल प्रमुख एवम् प्रहरी निरीक्षक निलम तामाङ्ले प्रशिक्षण दिएकी थिइन् ।
कार्यक्रममा जिल्ला प्रहरी कार्यालय चितवनका प्रमुख एवम् प्रहरी उपरीक्षक राजन लिम्बु, सामुदायिक सेवा केन्द्रकी प्रमुख मिना खरेल, न्यु होराइजन विद्यालय व्यवस्थापन समिति अध्यक्ष श्रिधर घिमिरे र प्राचार्य बसन्त रानाभाटले संवोधन गरेका थिए । न्यु होराइजन स्कुलकी अतिरिक्त क्रियाकलाप प्रमुख रिन्जु कुमारी भट्टराईले कार्यक्रमको सञ्चालन गरेकी थिइन् ।
न्यु होराइजनले केही दिन अघि अन्तर विद्यालय हाजिरी जवाफ प्रतियोगिता र सुपर मम डान्स प्रतियोगिता समेत सम्पन्न गरेको थियो ।
भरतपुर २ क्षेत्रपुरमा रहेको न्यु होराइजन स्कुलले यसै वर्ष आइएसओ लोगो प्राप्त गरेको छ । प्ले ग्रुपदेखि कक्षा १० सम्म अध्यापन गराउँदै आइरहेको न्यु होराइजनमा हाल ७०० विद्यार्थी अध्ययनरत छन् । वि.सं. २०५५ सालमा स्थापना भएको न्युज होराइजनले छोटो समयमा शैक्षिक र अतिरिक्त क्रियाकलापमा गरेको प्रगतिको चर्चा हुने गरेको छ ।
