काठमाडौँ, पुस ४ –
भारतको मुम्बईस्थित गेटवे अफ इण्डियाबाट एलिफेन्टा द्वीप जाँदै गरेको डुंगा दुर्घटना हुँदा १३ जनाको मृत्यु भएको छ ।
यात्रु बोकेको डुङ्गालाई भारतीय नौसेनाको एक द्रुत गतिको डुङ्गाले ठक्कर दिएपछि दुर्घटना भएको हो ।
दुर्घटनामा नौसेनाका ३ जनासहित १३ जनाको मृत्यु भएको भारतीय सञ्चार माध्यमले जनाएका छन् । दुर्घटना लगत्तै आएका उद्धारकर्ताले एक सय एक जनाको उद्धार गरेका छन् ।
मृतकका परिवारलाई राज्य सरकारले ५/५ लाख रुपैयाँ राहत दिने घोषणा गरेको छ ।
एक महिना भित्र इण्डियन नेवीको डुंगा दुर्घटना भएको यो दोस्रोपटक हो । अघिल्लो पटकको दुर्घटनामा दुई जनाको मृत्यु भएको थियो ।
तपाईको प्रतिक्रिया
सम्बन्धित समाचार
