भरतपुर, ११ कात्तिक :
चितवनको भरतपुरवाट नियमित प्रकाशन हुदै आएको लोकतन्त्र सन्देश दैनिक पत्रिकाले भरतपुर २५ स्थित प्रभात माध्यमिक विद्यालय शुक्रनगरलाई डस्टबिन र गमला हस्तान्तरण गरेको छ । आइतबार विद्यालयमा एक औपचारिक कार्यक्रमको आयोजना गरि विद्यालयलाई १५ वट डस्टिबिन र ४० वटा गमला हस्तान्तरण गरिएको हो । पत्रिकाका कार्यकारी सम्पादक सन्तोष देवकोटाको अध्यक्षतामा सम्पन्न उक्त कार्यक्रममा विद्यालयका प्रधानाध्यापक होमनाथ भण्डारी प्रमुख अतिथि रहनु भएको थियो ।
कार्यक्रममा बोल्दै प्रमुख अतिथि भण्डारीले लोकतन्त्र सन्देशसंग भावनात्मक रुपमा जोडिएको जानकारी दिँदै प्राप्त डस्बिन र गमलाले विद्यालयको सरसफाई र सुदरतामा सहयोगी भुमिका खेल्ने र डस्बिन तथा गमलाको उच्चतम सदुपयोग गर्ने प्रतिवद्धता व्यक्त गर्नुभयो ।
विद्यालयका सहायक प्रधानाध्यापक लेखनाथ भट्टराईले संचालन गर्नु भएको कार्यक्रममा विद्यालयका ईको क्लवका अध्यक्ष शुष्मा घर्तीले कार्यक्रमबारे प्रकाश पार्दै विद्यालयको स्वच्छ वातावरण निर्माण निर्माणको लागि सरसफाईमा सहयोग गर्नु भएकोमा लोकतन्त्र सन्देश दैनिक पत्रिका प्रति आभार व्यक्त गर्नुभयो । कार्यक्रममा विद्यालयका पुर्व प्रधानाध्यापक हरिदत्त बसेलले स्वागत मन्तव्य व्यक्त गर्नु भएको थियो ।
कार्यक्रममा विद्यालयका सहायक प्रधानाध्यापक फणिन्द्र प्रसाद भुषाल, लेखनाथ भट्टराई, पुर्व शिक्षक राजेन्द्र कुमाल, लोकतन्त्र सन्देश दैनिकका निर्देशक प्रदोष देवकोटा, विद्यालयका शिक्षक शिक्षिकाहरु, विद्याथीहरुको सहभागिता रहेको थियो । कार्यक्रमको समापन गर्दै पत्रिकाका कार्यकारी सम्पादक देवकोटाले आगामी दिनमा पनि विद्यालयसंग जोडिएर सहकार्य गर्न तयार रहेको बताउँदै पत्रिको यस्ता खालका सामाजिक कामलाई निरन्तरता दिने वताउनु भयो ।
