चितवन । भरतपुर विमानस्थलमा सांँढे दुईबर्षको अवधिमा विभिन्न उडान कम्पनीका जहाजले १०हजार सातसय १८ पटक भन्दा बढी उडान गरेका छन । कार्यालयका अनुसार सन् २०१९ मा ६हजार ४८८ पटक ,२०२० मा २ हजार ४५६ पटक र २०२१ को जुन महिना सम्म १हजार ७७४ पटक उडान भएको छ । निशेधाज्ञाका कारण विमानस्थलमा नियमित उडान बन्द भएपनि चार्टड उडान भने हुने गरेको छ ।
निशेधाज्ञा खकुलो भएपछि केही दिन यतिले नियमित उडान गरेपनि हाल यतिले उडान स्थगित गरेको छ भने बुद्ध एयरले दैनिक रुपमा १८ र ४७ सिटे जहाज गरी १० वटा जहाजले २० वटा काठमाडौं र भरतपुर उडान भर्ने गरेको विमानस्थलले जानकारी दिएको छ । यति एयरले उडान स्थगित गरेपछि केही दिनमै गुण एयरले उडान सञ्चालन गर्न लागेको विमानस्थल प्रमुख योगेन्द्र कुंँवरले जानकारी दिनुभयो ।
सांँढे दुईबर्षमा ३लाख बढी यात्रुले लिए सेवा
भरतपुर विमानस्थलबाट सांँढे दुईबर्षमा ३ लाख बढी हवाई यात्रुले सेवा लिएका छन । विमानस्थल कार्यालयका अनुसार सन् २०१९ , २०२० र २०२१ को जुन महिनासम्म गरेर ३ लाख ११ हजार २६६ यात्रुले सेवा लिएका हुन् । जसअनुसार २०१९ मा नियमित र चार्टर्ड उडान गरी १लाख ८२ हजार२७६ यात्रुले सेवा लिएका थिए भने सन् २०२० मा ७४ हजार ८०७ यात्रुले सेवा लिएका थिए । यस्तै २०२१ को जुनसम्म ५४ हजार १८३ जना यात्रुले सेवा लिएका थिए ।
उडानमा यात्रुहरुको आकर्षण बढेपनि निशेधाज्ञा र लकडाउनका कारण उडानसंँगै यात्रुहरुको संख्यामा पनि कमी आएको भरतपुर विमानस्थल प्रमुख योगेन्द्र कुंँवरले बताउनुभयो । ‘उडान चालुभएको बेला उडानको संख्या संँगै चाप पनि छ , उहांँले भन्नुभयो , उडाननै नभएपछि यात्रुत स्वतः कम हुने भए ।
