चितवन । भरतपुर महानगरपालिका वडा नम्बर २१ पहारिलोटारमा रहेको भानु माध्यमिक विद्यालयको नवनिर्मित दुई वटा भवन समुद्घाटन भएको छ । नेपाल सरकार राष्ट्रिय पुनर्निमाण प्राधिकरण केन्द्रीय आयोजना कार्यान्वयन इकाईको सहयोगमा निमार्ण गरिएको चारकोठे विद्यालय भवन र बागमति प्रदेश सरकारको आर्थिक सहयोगमा निमार्ण गरिएको ४ कोठे भवनको ९शनिबार० महानगर प्रमुख रेनु दाहालले उद्घाटन गरिन्।
भवन निर्माणको लागि पुनर्निमाण प्राधिकरण केन्द्रीय आयोजना कार्यान्वयन इकाईले भवन निमार्णका लागि करिब ६६ लाख रुपैयाँ र प्रदेश सरकारले ४७ लाख रुपैँया विनियोजन गरेको थियो । बाग्मती प्रदेश सरकारको आर्थिक सहयोगमा निमार्ण गरिएको ४ कोठे भवन भने पुरानो भवनको दोस्रो तल्ला थप गरिएको हो ।
उद्धघाटनपछि बोल्दै महानगरपालिका प्रमुख रेनु दाहालले शिक्षाको विकासको लागि महानगर सचेत रहेको भन्दै प्रत्येक वर्ष यो शिर्षकमा बजेट रकम बढाउँदै लगेको बताईन् । उनले कोभिडको समयमा समेत महानगरले विद्यार्थीहरुलाई सिकाईँ प्रक्रियामा जोड्न विभिन्न प्रयासहरु गरेको बताईन् ।
सुरक्षित र सहज तरीकाले विद्यार्थीको सिकाईँ होस् भनेर महानगरपालिकाले भवन निमार्णमा जोड् दिएको बताउँदै उनले ‘पढाईको गुणस्तरमा भवन एउटा पाटो भएपनि विद्यालय परिवारले गुणस्तरीय शिक्षा प्रदान गर्न ध्यान दिनुपर्ने बताइन् ।
विद्यालय व्यवस्थापन समितिकी अध्यक्ष दिव्य शर्मा आचार्यले प्रदेशबाट प्राप्त भएको रकम मार्फत लाईबेरी र कम्प्युटर ल्याबको व्यवस्थापन, विद्यालयको मैदान र खाजा घरको निमार्णमा समेत गरिएको बताइन । खेल मैदानको व्यवस्थापन र विद्यालयको कम्पाउण्ड निमार्णको लागी विद्यालयलाई तत्काल बजेटको आवश्यक्ता रहेको भन्दै उनले वडा र महानगरपालिकालाई बजेट व्यवस्थापन गर्दिन समेत अनुरोध गरिन् ।
