चितवन, कार्तिक ६ –
भरतपुर ११ मा रहेको कैलाश युथ क्लवले मकवानपुरको गढीमा नीति तर्जुमा बैठक सम्पन्न गरेको छ ।
नीति तर्जुमा एवम् अध्ययन अवलोकन गर्न भन्दै मकवानपुर गढी पुगेको क्लवले त्यहीँ बैठक सम्पन्न गरेको हो । गढी पुग्नु अघि क्लवको टोली मकवानपुरको कुष्माण्ड सरोवर त्रिवेणी धाम पुगेको थियो । त्यहाँबाट भ्रमण टोली गढीमा पुगेको हो । गढीबाट शहिद स्मारक पुगेर अध्ययन अवलोकन गरी टोली चितवन फर्किएको हो ।
गढीमा सम्पन्न बैठकले सामाजिक उद्देश्यका साथ तिहारमा देउसी भैलो गर्ने, चियापान तथा भेटघाट कार्यक्रम गर्ने, सांस्कृतिक साँझ गर्ने, साधारण सभा गर्ने, रािष्ट्रय स्तरको फुटबल प्रतियोगिता भरतपुर मेट्रो कप आयोजना गर्ने निर्णय गरेको छ ।
क्लवका अध्यक्ष सविन अधिकारीको अध्यक्षतामा सम्पन्न बैठक क्लवका मिडिया कोर्डिनेटर हिरालाल आचार्य ‘डायमण्ड’ ले सञ्चालन गरेका थिए । बैठकसहित अध्ययन अवलोकन भ्रमणमा ३५ जनाको सहभागिता रहेको थियो ।
कैलाश युथ क्लवले समयसमयमा विभिन्न सामाजिक काम गर्दै आइरहको छ । साथै क्लवका सदस्यहरुको क्षमता वृद्धि गर्न विभिन्न खालका तालिमहरु पनि सञ्चालन गर्ने गरेको छ ।
