चितवन, १३ असोज
चितवनको पुल्चोकबाट यात्रु बोकेर काठमाडौँ छुटेको माइक्रोबसका १२ यात्रुको शव फेला परेको छ । झ्याप्ले खोलाको पहिरोमा पुरिएको अवस्थामा आज (आइतबार) सुरक्षाकर्मीले माइक्रोबसका १२ जनाको शव फेला पारेको हो ।
माइक्रोमा चालक सहचालकसहित १७ जना रहेको बुझिएको छ । बेपत्ता अन्यको खोजि कार्य भइरहेको प्रहरीले जनाएको छ।
मनकामना माई यातायात प्रा.लि. मार्फत संचालित बा २ ख १३४५ नम्बरको माइक्रोबस पहिरोमा परि बेपत्ता भएको हो।
पहिरो निकै ठूलो रहेको र उद्दारको क्रममा शवहरु एक पछि अर्काे भेटिरहेकोले पहिरोमा कति सवारी पुरिएका छन् र कति यात्रु पुरिएका होलान् भन्ने सम्म आकलन गर्न नसकेको प्रहरीले जनाएको छ।
शनिबार राती पृथ्वी राजमार्गको धादिङको झ्याप्ले खोलामा लेदो सहितको पहिरो जाँदा सवारी साधन पुरिएको थियो ।
तपाईको प्रतिक्रिया
सम्बन्धित समाचार
