काठमाडाैं असोज १२,
लगातारको वर्षाका कारण देशभरका सवारी साधन काठमाडौं भित्रिने मुख्य राजमार्ग नारायणगढ-मुग्लिन सडक अवरूद्ध भएको छ ।
नारायणगढ-मुग्लिन सडक दबेका कारण ठूला गाडी आरपार हुन नसकेको डिभिजन सडक कार्यालयले जनाएको छ ।
कार्यालयका अनुसार नारायणगढदेखि २६ दशमलब तीन किलोमिटर पर मुग्लिनतर्फ सडक दबेको हो ।
दबेको ठाउँ पुरेर मर्मत गर्न शुरू भएको कार्यालयले जनाएको छ । साना गाडी भने एकतर्फी सञ्चालन भइरहेको कार्यालयले जनाएको छ ।
यसैगरी पृथ्वी राजमार्ग पनि ठाउँ ठाउँमा अवरुद्ध भएको छ ।
राजमार्गको इच्छाकामना गाउँपालिका-४ घोप्टेभीरमा पहिरो खसेर बाटो पूर्णरूपमा अवरूद्ध भएको प्रहरीले जनाएको छ ।
तपाईको प्रतिक्रिया
सम्बन्धित समाचार
