काठमाडौं । नक्कली भुटानी शरणार्थी प्रकरणमा मुछिएका पूर्वगृहमन्त्री बालकृष्ण खाँणले बयानका क्रममा नेपालीलाई नक्कली भुटानी शरणार्थी बनाएर अमेरिका पठाउने कार्य ठिक नभएकाले आफूले यस्तो कार्य सोच्न पनि नसक्ने बताएका छन् ।
प्रहरीले सरकारीको वकिल कार्यालयमा लिएको बयानमा खाँणले आफूलाई आफ्नो मोबाइन फ्याक्ट्री रिसेट भएकोबारे पनि जानकारी नभएको बताएका छन्।
आफूले कोभिड–१९ को समयमा भुटानी र तिब्बतीयन शरणार्थीलाई भ्याक्सिन लगाउन पहल गरेको उनको भनाइ छ । जसको अन्तर्राष्ट्रिय समुदायले समेत प्रशंसा गरेको उनको भनाइ छ ।
